WHO chief| കോവിഡ് വന്നുപോകട്ടെ എന്ന നിലപാട് അപകടകരമെന്ന് ലോകാരാഗ്യ സംഘടന

പരമാവധി ആളുകളിലേക്ക്​ കോവിഡ്​ രോഗം ബാധിക്ക​ട്ടെയെന്ന്​ കരുതരുതെന്നും ഇത്​ അധാർഗികമാണെന്നും അദ്ദേഹം വ്യക്തമാക്കി.

Tedros Adhanom Ghebreyesus

Tedros Adhanom Ghebreyesus

  • Share this:
    ജനീവ: കോവിഡ്​ വന്നുപോകട്ടെയെന്ന നിലപാട്​ സ്വീകരിക്കുന്നത് അപകടകരമെന്ന്​ ലോകാരോഗ്യ സംഘടന തലവൻ ടെഡ്രോസ്​ അദാനോം ഗെബ്രിയേസസ്​. കോവിഡ്​ പിടിപെട്ടാൽ അതിനെ പ്രതിരോധിക്കാനുള്ള ശേഷി ലഭിക്കുമെന്ന പ്രചാരണം തെറ്റാണ്​. കോവിഡ്​ രോഗത്തെ തെറ്റായ രീതിയിൽ സമീപിക്കാൻ കഴിയില്ല. പരമാവധി ആളുകളിലേക്ക്​ കോവിഡ്​ രോഗം ബാധിക്ക​ട്ടെയെന്ന്​ കരുതരുതെന്നും ഇത്​ അധാർഗികമാണെന്നും അദ്ദേഹം വ്യക്തമാക്കി.

    Also Read- വാക്സിൻ കണ്ടെത്തിയാലും അടുത്തവർഷം പകുതിയ്ക്കുള്ളിൽ വാക്സിനേഷൻ പൂർണമാകില്ല: ലോകാരോഗ്യസംഘടന

    ആർജിത പ്രതിരോധം എന്നത് വാക്​സിനേഷ​ന്റെ സങ്കൽപ്പമാണ്.​ ആർജിത പ്രതിരോധം ജനങ്ങളെ രോഗത്തിൽനിന്ന്​ മുക്തരാക്കുന്നതിന്​ മാത്രമാണ്​. അല്ലാതെ രോഗികളുടെ എണ്ണം കൂട്ടുന്നതിനല്ല. വാക്​സിനേഷൻ ഒരു ഘട്ടത്തിലെത്തിയാൽ മാത്രമേ ഇവ കൈവരിക്കാൻ സാധിക്കൂ. അതായത്​ 95 ശതമാനം പേരിൽ വാക്​സിൻ എത്തിയാൽ അഞ്ചുശതമാനം പേരിൽ രോഗപ്രതിരോധ ശേഷി കൈവരും. പോളിയോ രോഗത്തിൽ ഈ ഘട്ടം 80 ശതമാനമാണെന്നും ​അദ്ദേഹം പറഞ്ഞു. അഞ്ചാംപനിയിൽ, ജനസംഖ്യയുടെ 95% പേർക്കും വാക്സിനേഷൻ നൽകിയാൽ, ബാക്കി 5% പേരും വൈറസ് പടരുന്നതിൽ നിന്ന് സംരക്ഷിക്കപ്പെടുമെന്ന് കണക്കാക്കപ്പെടുന്നു.

    Also Read- Covid 19 | യുഎസ് പ്രസിഡന്‍റ് ഡൊണാൾഡ് ട്രംപ് കോവിഡ് മുക്തനായി

    പൊതുജനാരോഗ്യ ചരിത്രമെടുത്താൽ ഒരു ഘട്ടത്തിൽ പോലും പകർച്ചവ്യാധിയോട്​ പ്രതിരോധിക്കാനുള്ള മാർഗമായി ആർജിത പ്രതിരോധ ശേഷിയെ ഉപയോഗിച്ചിട്ടില്ല. ഈ തന്ത്രം ശാസ്​ത്രീയമായും ധാർമികമായും പ്രശ്​നങ്ങൾ സൃഷ്​ടിക്കുമെന്നും ​​അദാനോം വ്യക്തമാക്കി. അപകടകരമായ ഒരു വൈറസി​നെ കൂടുതൽ പകരാൻ അനുവദിക്കുന്നത്​ അനീതിയാണ്​. അത്​ ഒരിക്കലും പ്രതിരോധ മാർഗമല്ലെന്നും അദ്ദേഹം പറഞ്ഞു.

    Also Read- COVID 19| KPCC വര്‍ക്കിങ് പ്രസിഡന്‍റ് കൊടിക്കുന്നില്‍ സുരേഷ് എംപിക്ക് കോവിഡ് സ്ഥിരീകരിച്ചു


    കോവിഡിന്​ എതിരായി എങ്ങനെ രോഗപ്രതിരോധ ശേഷി വർധിപ്പിക്കുമെന്നത്​ സംബന്ധിച്ച വിവരങ്ങളുടെ അഭാവവും അദ്ദേഹം എടുത്തുപറഞ്ഞു. പ്രതിരോധ ശേഷി എത്ര ശക്തമാണെന്നും ആൻറിബോഡി ശരീരത്തിൽ എത്രനാൾ നിലനിൽക്കുമെന്നും അറിയില്ലെന്ന്​ അദ്ദേഹം പറഞ്ഞു. ''ഒട്ടുമിക്ക രാജ്യങ്ങളുടെയും ആകെ ജനസംഖ്യയിൽ 10 ശതമാനത്തിൽ താഴെ മാത്രമാണ്​ രോഗം ബാധിച്ചത്​. കോവിഡിനെ നേരിടാൻ കുറുക്കുവഴികളോ മാന്ത്രിക വിദ്യകളോ ഇല്ല. സമഗ്രമായി സമീപിക്കുക എന്നതു മാത്രമാണ് പോംവഴി​. പോരാടാൻ എല്ലാ ആയുധങ്ങളും എടുത്ത്​ പ്രയോഗിക്കണം''-അ​ദ്ദേഹം കൂട്ടിച്ചേർത്തു.‌ കോവിഡ് പത്ത് ലക്ഷത്തിലേറെ പേരുടെ ജീവനാണ് കവർന്നെടുത്തത്. ലോകമാകമാനം 3.75 കോടി ജനങ്ങൾക്ക് രോഗം ബാധിച്ചിട്ടുണ്ട്.
    Published by:Rajesh V
    First published:
    )}