'നമ്മൾ അതിജീവിക്കുക തന്നെ ചെയ്യും': പ്രവാസികളോട് മുഖ്യമന്ത്രി
- Published by:Aneesh Anirudhan
- news18-malayalam
Last Updated:
കോവിഡ് പശ്ചാത്തലത്തിൽപ്രവാസികൾക്ക് ആശ്വാസ ധനസഹായം നൽകുമെന്നും മുഖ്യമന്ത്രി
തിരുവനന്തപുരം: കോവിഡ് പശ്ചാത്തലത്തിൽപ്രവാസികൾക്ക് ആശ്വാസ ധനസഹായം നൽകുമെന്ന് മുഖ്യമന്ത്രി പിണറായി വിജയൻ. പ്രവാസി ക്ഷേമനിധി ബോർഡ്, നോർക്ക എന്നിവ വഴിയാകും ധനസഹായം . പ്രവാസി ക്ഷേമനിധി ബോര്ഡില് അംഗങ്ങളായ എല്ലാ പെന്ഷന്കാര്ക്കും പെന്ഷന് തുകയ്ക്ക് പുറമേ ഒറ്റത്തവണ ധനസഹായമായി ആയിരം രൂപ അനുവദിക്കും. 15000 പേര്ക്ക് ഇതിന്റെ ആനുകൂല്യം ലഭിക്കുമെന്നും മുഖ്യമന്ത്രി വാർത്താ സമ്മേളനത്തിൽ പറഞ്ഞു.
You may also like: കോവിഡ് 19: ആൾത്താമസമില്ലാത്ത വീടുകളുടെയും ഫ്ളാറ്റുകളുടെയും കണക്കെടുക്കുമെന്ന് സർക്കാർ[NEWS]ലോക്ക് ഡൗൺ ഏപ്രിൽ 30 വരെ നീട്ടണമെന്ന് പ്രധാനമന്ത്രിയോട് ആവശ്യപ്പെട്ട് മുഖ്യമന്ത്രിമാർ; എതിർത്തത് മധ്യപ്രദേശ് മാത്രം [NEWS]COVID 19 | തെലുങ്കാനയിലും ഏപ്രിൽ 30 വരെ ലോക്ക്ഡൗൺ [NEWS]
കോവിഡ് പോസിറ്റീവ് ആയ ക്ഷേമനിധിയില് അംഗങ്ങൾക്ക് 15000 രൂപ വീതം അടിയന്തരസഹായം നല്കും. ക്ഷേമനിധി ബോര്ഡിന്റെ തനത് ഫണ്ടില്നിന്നാണ് ഇത് നൽകുന്നത്.
advertisement
2020 ജനുവരി ഒന്നിന് ശേഷം വാലിഡായ പാസ്പോര്ട്ട്, തൊഴില് വിസ എന്നിവയുമായി വിദേശരാജ്യങ്ങളില്നിന്ന് നാട്ടിലെത്തി തിരിച്ചുപോകാന് സാധിക്കാത്തവര്ക്കും ലോക്ക്ഡൗണ് കാലയളവില് വിസ കാലാവധി തീര്ന്നവര്ക്കും 5000 രൂപ അടിയന്തര സഹായം അനുവദിക്കും. നോർക്കയാണ് ഈ തുക നൽകുന്നത്.
സാന്ത്വന ചികിത്സാ രോഗങ്ങളുടെ പട്ടികയില് കോവിഡ് 19 നെ ഉള്പ്പെടുത്തും. ഇതിലൂടെ ക്ഷേമനിധിയില് അംഗങ്ങളല്ലാത്ത കോവിഡ് പോസിറ്റീവായ പ്രവാസികള്ക്ക് 10000 രൂപ സഹായം നല്കും.
പ്രവാസലോകത്തെ എല്ലാപ്രശ്നങ്ങളും കേന്ദ്രത്തിന്റെയും എംബസിയുടെയും സന്നദ്ധപ്രവര്ത്തകരുടെയും പ്രവാസലോകത്തെ വ്യക്തിത്വങ്ങളുടെയും ശ്രദ്ധയില് കൊണ്ടുവരാന് സര്ക്കാര് ശ്രമിക്കുന്നു. ഈ കാലത്തെയും നമ്മൾ അതിജീവിക്കുക തന്നെ ചെയ്യുമെന്നാണ് പ്രവാസികളോട് പറയാനുള്ളതെന്നും മുഖ്യമന്ത്രി പറഞ്ഞു.
advertisement
Location :
First Published :
Apr 11, 2020 7:15 PM IST
