ഇ.പി. ജയരാജനും ഭാര്യ ഇന്ദിരയ്ക്കും കോവിഡ്; 'ആരുമായും സമ്പർക്കമില്ല'; വീട്ടിൽ നിരീക്ഷണത്തിലായിരുന്നുവെന്ന് മന്ത്രി

തിരുവനന്തപുരം :  മന്ത്രി തോമസ് ഐസക്കിനു പിന്നാലെ സംസ്ഥാനത്തെ ഒരു മന്ത്രിക്ക് കൂടി കോവിഡ് പോസിറ്റീവ്. വ്യവസായ മന്ത്രി ഇ പി ജയരാജനാണ് കോവിഡ് സ്ഥിരീകരിച്ചത്.  മന്ത്രി തോമസ് ഐസക്ക് പങ്കെടുത്ത സെപ്റ്റംബർ നാലിലെ സിപിഎം സംസ്ഥാന സെക്രട്ടേറിയറ്റ് യോഗത്തിൽ ഇ.പി. ജയരാജനും പങ്കെടുത്തിരുന്നു. അദ്ദേഹത്തിന്റെ ഭാര്യ ഇന്ദിരയ്ക്കും രോഗം സ്ഥിരീകരിച്ചു. ഇരുവരെയും പരിയാരം മെഡിക്കൽ കോളജിലേക്ക് മാറ്റി.