സംസ്ഥാനത്ത് ഡെല്റ്റ പ്ലസ് വകഭേദം; നാലു വയസ്സുകാരനുള്പ്പെടെ മൂന്ന് പേര്ക്ക് രോഗം സ്ഥിരീകരിച്ചു
- Published by:Jayesh Krishnan
- news18-malayalam
Last Updated:
ഡെല്റ്റ പ്ലസ് വകഭേദം സ്ഥിരീകരിച്ചതിനെ തുടര്ന്ന് ജില്ലയില് കൂടുതല് ജാഗ്രത വേണമെന്ന് ജില്ലാ കലക്ടര് ഡോ. എന് തേജ് ലോഹിത് റെഡ്ഡി അറിയിച്ചു
പത്തനംതിട്ട: സംസ്ഥാനത്ത് ആദ്യമായി കോവിഡ് വകഭേദമായ ഡെല്റ്റ പ്ലസ് വകഭേദം കണ്ടെത്തി. പത്തനംതിട്ടയിലും പലാക്കാടുമാണ് ഡെല്റ്റ പ്ലസ് സ്ഥിരീകരിച്ചത്. പത്തനംതിട്ടയിലെ കടപ്ര പഞ്ചായത്തില് നാലു വയസ്സുകാരനാണ് രോഗം സ്ഥിരീകരിച്ചത്. മറ്റു രണ്ടു കേസുകളും പാലക്കാടാണ് റിപ്പോര്ട്ട് ചെയ്തിരിക്കുന്നത്. ഡെല്റ്റ പ്ലസ് വകഭേദം സ്ഥിരീകരിച്ചതിനെ തുടര്ന്ന് ജില്ലയില് കൂടുതല് ജാഗ്രത വേണമെന്ന് ജില്ലാ കലക്ടര് ഡോ. എന് തേജ് ലോഹിത് റെഡ്ഡി അറിയിച്ചു.
മേയ് മാസം 24 നാണ് കുട്ടി കോവിഡ് പോസിറ്റീവായത്. നിലവില് കുട്ടി കോവിഡ് നെഗറ്റീവാണ്. കുട്ടിയുടെ സ്രവത്തിന്റെ ജനിതക(ജീനോമിക്) പഠനത്തിലാണു പുതിയ വേരിയന്റായ ഡെല്റ്റ പ്ലസ് കണ്ടെത്തിയത്. ഡല്ഹിയില് നടത്തിയ പരിശോധനയിലാണ് പുതിയ വകഭേദം കണ്ടെത്തിയത്. ഇതേതുടര്ന്ന് പ്രദേശത്ത് കൂടുതല് നിയന്ത്രണങ്ങള് ഏര്പ്പെടുത്തി.
രോഗം പകരാതിരിക്കാനുള്ള കര്ശനമായ നിയന്ത്രണ നടപടികള് സ്വീകരിക്കാന് ജില്ലാ ഭരണകേന്ദ്രം തീരുമാനിച്ചു. കുട്ടി ഉള്പ്പെട്ട വാര്ഡ് ലാര്ജ് കമ്മ്യൂണിറ്റി ക്ലസ്റ്റര് ഏരിയയാണ്. ടിപിആര് നിരക്ക് 18.42 ശതമാനമാണ്. രോഗവ്യാപനം കുറയാത്ത സാഹചര്യത്തിലും ടിപിആര് കൂടുതലായി നില്ക്കുന്നതിനാലും നിയന്ത്രണം അത്യാവശ്യമാണ്.
advertisement
ഇതുവരെ ഇവിടെ 87 പേര്ക്ക് കോവിഡ് പോസിറ്റീവ് സ്ഥിരീകരിക്കുകയും ഒരാള് മരിക്കുകയയും ചെയ്തിട്ടുണ്ട്. നിലവില് ഇവിടെ 18 പേര്ക്കാണ് കോവിഡ് പോസിറ്റീവ് സ്ഥിരികരിച്ചിട്ടുള്ളത്. ഈ പ്രദേശത്തെ പോസിറ്റീവ് രോഗികളെ ഡിസിസിയിലേക്ക് മാറ്റും. ഇവിടെ കോവിഡ് പരിശോധന വര്ദ്ധിപ്പിക്കും. കോണ്ടാക്ട് ട്രെയ്സിംഗ് ഊര്ജിതപ്പെടുത്തുമെന്ന് ജില്ലാ കലക്ടര് അറിയിച്ചു.
അതേസമയം സംസ്ഥാനത്ത് ഇന്ന് 7,499 പേര്ക്ക് കോവിഡ്-19 സ്ഥിരീകരിച്ചു. തിരുവനന്തപുരം 963, എറണാകുളം 926, തൃശൂര് 820, കൊല്ലം 810, പാലക്കാട് 710, മലപ്പുറം 689, കോഴിക്കോട് 563, ആലപ്പുഴ 451, കണ്ണൂര് 434, കാസര്ഗോഡ് 319, പത്തനംതിട്ട 298, കോട്ടയം 287, വയനാട് 114, ഇടുക്കി 65 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
advertisement
കഴിഞ്ഞ 24 മണിക്കൂറിനിടെ 77,853 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 9.63 ആണ്. റുട്ടീന് സാമ്പിള്, സെന്റിനല് സാമ്പിള്, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആര്., ആര്.ടി. എല്.എ.എം.പി., ആന്റിജന് പരിശോധന എന്നിവ ഉള്പ്പെടെ ഇതുവരെ ആകെ 2,20,39,227 സാമ്പിളുകളാണ് പരിശോധിച്ചത്.
കഴിഞ്ഞ ദിവസങ്ങളിലുണ്ടായ 94 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 12,154 ആയി.
advertisement
രോഗം സ്ഥിരീകരിച്ച് ചികിത്സയിലായിരുന്ന 13,596 പേര് രോഗമുക്തി നേടി. തിരുവനന്തപുരം 1705, കൊല്ലം 1332, പത്തനംതിട്ട 390, ആലപ്പുഴ 1005, കോട്ടയം 834, ഇടുക്കി 720, എറണാകുളം 1180, തൃശൂര് 1907, പാലക്കാട് 1124, മലപ്പുറം 1336, കോഴിക്കോട് 1016, വയനാട് 201, കണ്ണൂര് 451, കാസര്ഗോഡ് 395 എന്നിങ്ങനേയാണ് രോഗമുക്തിയായത്. ഇതോടെ 99,693 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 27,04,554 പേര് ഇതുവരെ കോവിഡില് നിന്നും മുക്തി നേടി.
advertisement
സംസ്ഥാനത്തെ വിവിധ ജില്ലകളിലായി 4,30,728 പേരാണ് ഇപ്പോള് നിരീക്ഷണത്തിലുള്ളത്. ഇവരില് 4,03,462 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 27,266 പേര് ആശുപത്രികളിലും നിരീക്ഷണത്തിലാണ്. 1891 പേരെയാണ് പുതുതായി ആശുപത്രിയില് പ്രവേശിപ്പിച്ചത്.
Location :
First Published :
Jun 21, 2021 10:12 PM IST
മലയാളം വാർത്തകൾ/ വാർത്ത/Corona/
സംസ്ഥാനത്ത് ഡെല്റ്റ പ്ലസ് വകഭേദം; നാലു വയസ്സുകാരനുള്പ്പെടെ മൂന്ന് പേര്ക്ക് രോഗം സ്ഥിരീകരിച്ചു
