കോവിഡ് മുക്തമാകുമെന്ന ആവകാശവാദവുമായി പതഞ്ജലിയുടെ മരുന്ന്; ദിവ്യ കൊറോണ കിറ്റിന് വില 545 രൂപ

ന്യൂഡല്‍ഹി: കോവിഡിന് മരുന്ന് പുറത്തിറക്കി പതഞ്ജലി ഗ്രൂപ്പ്. മൂന്നു മുതൽ ഏഴു ദിവസത്തിനകം കോവിഡ് ഭേദമാകുന്ന മരുന്നാണിതെന്ന് പതഞ്ജലി ഗ്രൂപ്പ് സ്ഥാപകൻ ബാബാ രാംദേവ് അവകാശപ്പെടുന്നു. 'കൊറോണ വൈറസിനെതിരെ മരുന്നോ വാക്സിനോ യാഥാർഥ്യമാകാൻ വേണ്ടി രാജ്യവും ലോകവും കാത്തിരിക്കുകയാണ്. കൊറോണ വൈറസിനായി ആദ്യത്തെ ആയുര്‍വേദ മരുന്ന് ഞങ്ങള്‍ വികസിപ്പിച്ചിരിക്കുന്നു. പരീക്ഷണത്തിൽ 69 ശതമാനം പേർക്കും മൂന്ന് ദിവസത്തിനുള്ളില്‍ രോഗമുക്തി ലഭിച്ചു.ഏഴു ദിവസത്തിനുള്ളില്‍ നൂറു ശതമാനം പേരും രോഗമുക്തമാകും,’-ഹരിദ്വാറില്‍ നടത്തിയ വാര്‍ത്താ സമ്മേളനത്തില്‍ രാംദേവ് പറഞ്ഞു.