വീണ്ടും പ്രണയപ്പക ! വിദ്യാർഥിനിയെ കഴുത്തറുത്ത് കൊല്ലാന്‍ ശ്രമിച്ച 19-കാരൻ തിരുവനന്തപുരത്ത് അറസ്റ്റിൽ

തിരുവനന്തപുരം: പ്രണയാഭ്യര്‍ത്ഥന നിരസിച്ചതിന് വിദ്യാര്‍ഥിനിയെ  കഴുത്തറുത്ത് കൊല്ലാന്‍ ശ്രമിച്ച 19-കാരൻ അറസ്റ്റിൽ. പ്രാവച്ചമ്പലം അരിക്കട മുക്ക് അനസ് മൻസിലിൽ ആരീഫ് (19) ആണ് പിടിയിലായത്. സംഭവത്തിന് ശേഷം ഒളിവിൽ പോയ ആരിഫിനെ തമിഴ്നാട് കുളച്ചലിൽ നിന്നുമാണ് പോലീസ് പിടികൂടിയത്. പ്രണയാഭ്യർഥന നിരസിച്ചതിനെ തുടർന്ന് എം.ജി. കോളേജിലെ വിദ്യാർഥിയായ പെണ്‍കുട്ടിയെ പേപ്പർ മുറിക്കാൻ ഉപയോഗിക്കുന്ന ബ്ളേഡ് ഉപയോഗിച്ച് കഴുത്തറുത്ത് കൊല്ലാൻ ശ്രമിക്കുകയായിരുന്നു. പ്രേമനൈരാശ്യമായിരുന്നു അക്രമത്തിന് പിന്നിലെന്ന് നേമം സി.ഐ. പ്രജീഷ് പറഞ്ഞു.