ഭാര്യയുമായി രഹസ്യ ബന്ധമെന്ന് സംശയം; ബെംഗളുരു എയർപ്പോർട്ടിൽ ജീവനക്കാരനെ വെട്ടിക്കൊന്നു

വ്യക്തി വൈരാഗ്യമാണ് കൊലപാതകത്തിന് കാരണമെന്നാണ് പൊലീസിന്റ പ്രാഥമിക അന്വേഷണത്തിലെ നിഗമനം. കൊല്ലപ്പെട്ട രാമകൃഷ്ണയ്ക്ക് രമേഷിന്റെ ഭാര്യയുമായി അവിഹിത ബന്ധം ഉണ്ടെന്ന് സംശയിച്ചാണ് പ്രതി കൃത്യം നടത്തിയത്. ഗ്രാമത്തിൽ വച്ച് രാമകൃഷ്ണയെ അക്രമിക്കാൻ തക്കം പാർത്തിരുന്ന രമേഷ് , രാമകൃഷ്ണയ്ക്ക് എയർപ്പോർട്ടിലാണ് ജോലിയെന്ന് മനസിലാക്കുകയും എയർപ്പോർട്ടിലെത്തി കാത്തിരുന്ന് വെട്ടുകത്തി ഉപയേഗിച്ച്  കഴുത്തിൽ വെട്ടുകയുമായിരുന്നു.

വെട്ടുകത്തി ബാഗിൽ പൊതിഞ്ഞാണ് രമേഷ് എയർപ്പോർട്ടിലേക്ക് കൊണ്ടുവന്നതെന്ന് ബെംഗളുരു സിറ്റി നോർത്ത് ഈസ്റ്റ് ഡിവിഷൻ ഡെപ്യൂട്ടി കമ്മിഷണർ പറഞ്ഞു.