മക്കൾക്ക് മുന്നിൽ വച്ച് മാധ്യമ പ്രവർത്തകനെ വെടിവച്ചു കൊലപ്പെടുത്താൻ ശ്രമം; അഞ്ചു പേർ പിടിയിൽ

കഴിഞ്ഞ ദിവസം രാത്രി പത്തരയോടെയായിരുന്നു സംഭവം. മാധ്യമ പ്രവർത്തകനായ വിക്രം ജോഷി, രണ്ട് പെൺമക്കള്‍ക്കൊപ്പം സഹോദരിയുടെ വീട്ടിൽ നിന്നും മടങ്ങിവരുന്ന വഴിയാണ് ഇയാൾക്ക് നേരെ ആക്രമണം നടന്നത്. ജോഷിയുടെ ബൈക്ക് തടഞ്ഞു നിർത്തി അക്രമി സംഘം വെടിയുതിർക്കുകയായിരുന്നു. വിജയ് നഗര്‍ ഏരിയയിൽ നടന്ന ഈ ആക്രമണത്തിന്‍റെ സിസിറ്റിവി ദൃശ്യങ്ങൾ വൈറലാവുകയും ചെയ്തിട്ടുണ്ട്.

ബൈക്കിൽ വരുന്ന മാധ്യമപ്രവർത്തകനെ ഒരുസംഘം ആളുകൾ ചേർന്ന് വാഹനത്തിൽ നിന്ന് വലിച്ചിഴച്ച് മർദ്ദിക്കുന്നതാണ് ദൃശ്യങ്ങളിൽ. തുടർന്ന് ഒരു കാറിലേക്ക് വലിച്ചു കൊണ്ടു പോയ മർദ്ദനം തുടർന്നു. ഇതിനിടെ ജോഷിയുടെ മക്കൾ സഹായത്തിനായി നിലവിളിച്ചു കൊണ്ട് അച്ഛന്‍റെ അരികിലേക്ക് ഓടിയെത്തി.. ഇതിനെ തുടർന്നാണ് ആളുകൾ ഓടിക്കൂടി പരിക്കേറ്റയാളെ ആശുപത്രിയിലെത്തിച്ചത്.

ആക്രമണത്തിനിരയായ വിക്രം ജോഷിയുടെ സഹോദരപുത്രിയെ കുറച്ച് ആളുകൾ ചേർന്ന് ശല്യം ചെയ്തിരുന്നു. ഇതിനെതിരെ ഇയാൾ പൊലീസിൽ പരാതി നൽകുകയും ചെയ്തു. പിന്നാലെയാണ് ആക്രമണം ഉണ്ടായിരിക്കുന്നത്.