കൊച്ചി: ലോക്ക്ഡൗണിനിടയിലും കേരളത്തിലേക്ക് വൻ മദ്യക്കടത്ത്. എക്‌സൈസ് വകുപ്പ് നടത്തിയ പരിശോധനയില്‍ മറ്റ് സംസ്ഥാനങ്ങളില്‍ നിന്ന് കൊണ്ടു വന്ന 5392 ലിറ്റര്‍ മദ്യമാണ് കഴിഞ്ഞ 20 ദിവസത്തിനിടെ മാത്രം പിടികൂടിയത്. 12000ലധികം ലിറ്റര്‍ സ്പിരിറ്റും പിടിച്ചെടുത്തു. കോവിഡ് വ്യാപനത്തെത്തുടര്‍ന്ന് ലോക്ഡൗൺ പ്രഖ്യാപിച്ചതോടെയാണ് സംസ്ഥാനത്തെ ബാറുകളും ബിവറേജസ് ഔട്ട്‌ലെറ്റുകളും അടച്ചുപൂട്ടിയത്. ഇതിന് പിന്നാലെ ഇതര സംസ്ഥാനങ്ങളില്‍ നിന്ന് കേരളത്തിലേയ്ക്കുള്ള മദ്യക്കടത്ത് വർധിച്ചു.