Social Media |സമൂഹമാധ്യമങ്ങളിലെ സൗഹൃദങ്ങള്‍ ചോദ്യം ചെയ്തു; സഹോദരനെതിരെ പെൺകുട്ടിയുടെ പീഡനപരാതി; വ്യാജമെന്ന് പോലീസ്

മലപ്പുറം: സമൂഹമാധ്യമങ്ങളിലെ (Social Media) സൗഹൃദങ്ങൾ ചോദ്യം ചെയ്തതിന്റെ ദേഷ്യത്തിൽ സഹോദരനെതിരെ വ്യാജ പീഡന പരാതി (Fake Molestation Complaint) നൽകി പെൺകുട്ടി. ചങ്ങരംകുളം പോലീസ് സ്റ്റേഷനിൽ പെൺകുട്ടി നൽകിയ പരാതിയിൽ പ്രായപൂർത്തിയാകാത്ത തന്നെ സഹോദരൻ നിരവധി തവണ ശാരീരികമായി പീഡിപ്പിച്ചുവെന്നാണ് പറയുന്നത്. എന്നാൽ, പരാതിയിൽ സംശയം തോന്നി നടത്തിയ ശാസ്ത്രീയ അന്വേഷണത്തിനൊടുവിലാണ് പെൺകുട്ടിയുടെ പരാതി വ്യാജമാണെന്ന് തെളിഞ്ഞതെന്ന് എസ്.എച്ച്.ഒ ബഷീർ മാതൃഭൂമി ഡോട്ട് കോമിനോട് പറഞ്ഞു.