ആക്ഷൻ ഹീറോയിൻ അമ്മ; ബസിൽ ഒമ്പതാം ക്ലാസ് വിദ്യാർത്ഥിനിയുടെ ദൃശ്യങ്ങൾ പകർത്തി പ്രചരിപ്പിച്ച യുവാവിനെ നാടകീയമായി പിടികൂടി

സ്കൂളിൽ നിന്നും സ്വകാര്യ ബസ്സിൽ വീട്ടിലേക്ക് വരുന്ന വഴിയാണ് ഒരു യുവാവ് തങ്ങളുടെ ദൃശ്യങ്ങൾ പകർത്തുന്നത് പെൺകുട്ടിയുടെ ശ്രദ്ധയിൽപ്പെട്ടത്. തുടർന്ന് പെൺകുട്ടി മാതാവിനെ വിവരമറിയിച്ചു.

പെൺകുട്ടിയുടെ മാതാവ് സ്വകാര്യ ബസ് വർക്കല തച്ചോട് ഭാഗത്ത് വച്ച് വഴിയിൽ തടഞ്ഞ് നാട്ടുകാരുടെ സഹായത്തോടെ ദൃശ്യങ്ങൾ പകർത്തിയ യുവാവിനെ പിടികൂടുകയായിരുന്നു. യുവാവിൻ്റെ മൊബൈൽ ഫോൺ പരിശോധിച്ചതിൽ നിന്നും ദൃശ്യങ്ങൾ പകർത്തിയതും പകർത്തിയ ദൃശ്യങ്ങൾ സ്നാപ് ചാറ്റ് എന്ന സോഷ്യൽ മീഡിയയിൽ പ്രചരിപ്പിച്ചിരിക്കുന്നതും വ്യക്തമായി.