ഫോണിൽ 9 അമര്‍ത്തരുത്; സമ്പാദ്യം നഷ്ടപ്പെട്ടേക്കാം; വ്യാജ ഫെഡ്എക്‌സ് തട്ടിപ്പ് സംഘങ്ങള്‍ വ്യാപകമാകുന്നു

ആളുകളുടെ സമ്പാദ്യം തട്ടിയെടുക്കുന്ന വ്യാജ ഫെഡ്എക്‌സ് തട്ടിപ്പ് സംഘം വ്യാപകമാകുന്നതായി റിപ്പോര്‍ട്ട്. ഫെഡ്എക്‌സ് ജീവനക്കാരന്‍, അന്വേഷണ ഉദ്യോഗസ്ഥന്‍ എന്ന വ്യാജേന ഫോണില്‍ ബന്ധപ്പെടുന്ന സംഘം നിരോധിത ഉല്‍പ്പന്നങ്ങള്‍ കടത്തിയെന്നാരോപിച്ചാണ് ആളുകളില്‍ നിന്ന് പണം തട്ടുന്നത്. കേസില്‍ നിന്ന് നിങ്ങളുടെ പേര് ഒഴിവാക്കണമെങ്കില്‍ 9 അമര്‍ത്തണമെന്നും ഇവര്‍ ആവശ്യപ്പെടും. എന്നാല്‍ ഇതിലൂടെ നിങ്ങളുടെ വ്യക്തിവിവരങ്ങളാണ് തട്ടിപ്പ് സംഘത്തിന് ലഭിക്കുക. ഈ വിവരങ്ങള്‍ ദുരുപയോഗം ചെയ്താണ് തട്ടിപ്പ് നടത്തുന്നത്. ഇത്തരം സംഘങ്ങളെ കരുതണമെന്ന് അധികൃതര്‍ നിര്‍ദ്ദേശം നല്‍കിക്കഴിഞ്ഞു.