പറവൂരിലെ കൂട്ടമരണം; പൊലീസ് മൊഴിയെടുത്ത ഓട്ടോഡ്രൈവറും മരിച്ച നിലയിൽ

ഈ സംഭവത്തിൽ പൊലീസ് സ്റ്റേഷനിൽ വിളിച്ചുവരുത്തി മൊഴിയെടുത്ത കു​ഴു​പ്പി​ള്ളി ചെ​റു​വൈ​പ്പ് സ്വ​ദേ​ശി​യാ​യ ഓ​ട്ടോ ഡ്രൈ​വ​റെയാണ് തൂ​ങ്ങി​മ​രി​ച്ച നി​ല​യി​ൽ കാ​ണ​പ്പെ​ട്ടത്. കു​ഴു​പ്പി​ള്ളി ചെ​റു​വൈ​പ്പ് മ​ങ്കു​ഴി സാ​ജ​ൻ (38)ആ​ണ് മ​രി​ച്ച​ത്. ഇ​ന്ന​ലെ വൈ​കി​ട്ട് ഏ​ഴോ​ടെ ചെ​റാ​യി ബീ​ച്ചി​ലെ ഒ​രു ഹോം ​സ്റ്റേ​യി​ലാ​ണ് സാജനെ മരിച്ച നിലയിൽ കണ്ടെത്തിയത്.

ഹോം ​സ്റ്റേ ഇ​യാ​ൾ വാ​ട​ക​യ്ക്കെ​ടു​ത്തതാണെന്ന് പൊലീസ് കണ്ടെത്തിയിട്ടുണ്ട്. കഴിഞ്ഞ ദിവസം മുതൽ സാജനെ കാണാനില്ലായിരുന്നു. ഇതേത്തുടർന്ന് ഞായറാഴ്ച വൈകിട്ട് ഇയാളെ ഫോണിൽ ബന്ധപ്പെട്ടിട്ടും പ്രതികരണമില്ലായിരുന്നു. തുടർന്നു നടത്തിയ അന്വേഷണത്തിലാണ് ഹോം സ്റ്റേയിൽ സാജന്‍റെ മൃതദേഹം കണ്ടെത്തിയത്.

പ​റ​വൂ​രി​ൽ കൂ​ട്ട ആ​ത്മ​ഹ​ത്യ​ചെ​യ്ത അ​യ്യ​മ്പി​ള്ളി സ്വ​ദേ​ശി​ക​ളാ​യ പ​തി​യാ​പ​റമ്പി​ൽ രാ​ജേ​ഷി​നും കു​ടും​ബ​ത്തി​നും പെ​രു​വാ​ര​ത്ത് വാ​ട​ക വീ​ട് ഏർപ്പാടാക്കി കൊടുത്തത് സാജനായിരുന്നു. അതിനിടെ ഉടമയുടെ ആവശ്യപ്രകാരം വീട് ഒഴിയാൻ സാജൻ, രാജേഷിനോട് ആവശ്യപ്പെട്ടിരുന്നു. ഇക്കാര്യം മരിക്കുന്നതിന് മുമ്പ് രാജേഷ് എഴുതിവെച്ച കത്തിൽ പരാമർശിച്ചിരുന്നു.

Also Read- കൊല്ലം വെട്ടിക്കവലയിൽ പ്രാദേശിക മാധ്യമപ്രവർത്തകനു നേരെ ആക്രമണം; സംഭവം സത്യപ്രതിജ്ഞാ ചടങ്ങ് റിപ്പോർട്ട് ചെയ്യാനെത്തിയപ്പോൾ

ഇതോടെയാണ് രാജേഷിന്‍റെയും കുടുംബത്തിന്‍റെയും ആത്മഹത്യയുമായി ബന്ധപ്പെട്ട് സാജനെ പറവൂർ പൊലീസ് വിളിപ്പിച്ചു മൊഴിയെടുത്തത്. പൊലീസിന് മൊഴി നൽകിയ ശേഷം സുഹൃത്തുക്കളോടും വീട്ടുകാരോടും അധികമൊന്നും സംസാരിച്ചിരുന്നില്ല. അതിനിടെയാണ് സാജനെ മരിച്ച നിലയിൽ കണ്ടെത്തിയത്.