Explained: തൊഴിലിടങ്ങളിലെ ലൈംഗികപീഡനവും അത് തടയുന്നതിനുള്ള നിയമവും, അറിയേണ്ടതെല്ലാം

ഉണ്ട്. തൊഴിലിടങ്ങളിൽ സ്ത്രീകൾ നേരിടേണ്ടി വരുന്ന പീഡനം തടയുന്നതിനും പരിഹാരമാർഗങ്ങൾ നിർദ്ദേശിച്ചുകൊണ്ടും കേന്ദ്രസർക്കാർ പാസാക്കിയ നിയമമാണ് തൊഴിലിടങ്ങളിലെ സ്ത്രീകൾക്കെതിരെയുള്ള ലൈംഗികപീഡനം (തടയലും നിരോധനവും പരിഹാരവും) നിയമം 2013.

ലൈംഗികപീഡനം സംബന്ധിച്ച കേസുകളിൽ പിന്തുടരേണ്ട നടപടികൾ സംബന്ധിച്ച മാർഗ്ഗനിർദ്ദേശങ്ങളാണ് വിശാഖ മാർഗ്ഗനിർദ്ദേശങ്ങൾ. വിശാഖയും രാജസ്ഥാൻ സർക്കാരും തമ്മിൽ നടന്ന ഒരു കേസിന് ചരിത്രപരമായ വിധി പ്രസ്താവിക്കവെയാണ് സുപ്രീം കോടതി ഈ മാർഗ്ഗനിർദ്ദേശങ്ങൾ പുറപ്പെടുവിച്ചത്. 2013-ൽ തൊഴിലിടങ്ങളിലെ ലൈംഗികപീഡനം തടയുന്നതിന് വേണ്ടിയുള്ള നിയമം പ്രാബല്യത്തിൽ വരുന്നത് വരെ ഇത്തരം കേസുകളിൽ വിശാഖ മാർഗ്ഗനിർദ്ദേശങ്ങളാണ് നിയമമായി പരിഗണിച്ചിരുന്നത്. 2013-ലെ നിയമത്തിന്റെ അടിസ്ഥാന തത്വങ്ങൾ വിശാഖ മാർഗ്ഗനിർദ്ദേശങ്ങളിൽ നിന്ന് സ്വീകരിച്ചിട്ടുള്ളതാണ്.

ശരീരത്തിൽ അനാവശ്യമായി സ്പർശിക്കുകയോ ശാരീരിക സമ്പർക്കം പുലർത്തുകയോ ചെയ്യുക. സമ്മതമില്ലാതെ ചുംബിക്കുക, തലോടുക തുടങ്ങിയവ ഇതിന്റെ പരിധിയിൽ വരും.

ഒരു വ്യക്തിയുടെ ലൈംഗിക ആഭിമുഖ്യം, ലൈംഗിക ജീവിതം എന്നിവയെക്കുറിച്ച് അനാവശ്യമായി അഭിപ്രായം പറയുക. അശ്ലീല വീഡിയോകളോ ചിത്രങ്ങളോ കാണിക്കുക.

തീർച്ചയായും. ദുരനുഭവം ഉണ്ടായ വ്യക്തിയുടെയോ എതിർകക്ഷിയുടെയോ സാക്ഷികളുടെയോ പേരോ മറ്റ് വിവരങ്ങളോ വെളിപ്പെടുത്തുന്നത് ഈ നിയമം വിലക്കുന്നു.

തൊഴിലിടങ്ങളിൽ സുരക്ഷിതമായി ജോലി ചെയ്യാനുള്ള അന്തരീക്ഷം ഈ നിയമം ഉറപ്പു നൽകുന്നു.

ഇന്ത്യൻ ശിക്ഷാ നിയമത്തിലെ സെക്ഷൻ 509 പ്രകാരമാണ് തൊഴിലിടങ്ങളിലെ ലൈംഗിക പീഡനവുമായി ബന്ധപ്പെട്ട കേസുകളിൽ ശിക്ഷ വിധിക്കുക. പ്രതികൾക്ക് 3 വർഷം വരെ നീളാവുന്ന തടവ് ശിക്ഷയോ അല്ലെങ്കിൽ പിഴയോ അതുമല്ലെങ്കിൽ രണ്ടും കൂടിയോ ശിക്ഷയായി ലഭിക്കാവുന്നതാണ്. പരാതി അന്വേഷണ സമിതിയുടെ പരിഗണനയിലിരുന്ന അവസരത്തിൽ പരാതിക്കാരിക്ക് രേഖാമൂലം പരാതിക്കാരിയെയോ എതിർകക്ഷിയെയോ മറ്റൊരു ജോലിസ്ഥലത്തേക്ക് മാറ്റാൻ ആവശ്യപ്പെടാവുന്നതാണ്. ഇതോടൊപ്പമുള്ള ചട്ടം 9-ലെ വ്യവസ്ഥ പ്രകാരം കുറ്റക്കാരനാണെന്നു സമിതി കണ്ടെത്തിയ ജീവനക്കാരനെതിരെ നടപടി സ്വീകരിക്കാൻ തൊഴിലുടമയോട് സമിതിയ്ക്ക് നിർദ്ദേശിക്കാനും കഴിയും.

തൊഴിലിടങ്ങളിലെ ലൈംഗികപീഡനം തടയുന്നതിനുള്ള ഈ നിയമം സ്ത്രീകൾക്ക് വേണ്ടി മാത്രമുള്ളതാണ്. സ്ത്രീകൾക്കെതിരെയുള്ള ലൈംഗിക അതിക്രമങ്ങൾ മാത്രമേ ഈ നിയമത്തിന്റെ പരിധിയിൽ പരിഗണിക്കുകയുള്ളൂ.