എന്താണ് ഇന്ത്യ-മിഡില്‍ ഈസ്റ്റ്-യൂറോപ്പ് സാമ്പത്തിക ഇടനാഴി? ഇന്ത്യക്ക് ​ഗുണം ചെയ്യുന്നത് എങ്ങനെ?

ജി-20 ഉച്ചകോടിയിൽ വെച്ച് ഇന്ത്യ-മിഡിൽ ഈസ്റ്റ്-യൂറോപ്പ് സാമ്പത്തിക ഇടനാഴി (India-Middle East-Europe economic corridor) പ്രഖ്യാപിച്ചിരിക്കുകയാണ് പ്രധാനമന്ത്രി നരേന്ദ്ര മോദി. സാമ്പത്തിക വളർച്ച പ്രോത്സാഹിപ്പിക്കുക എന്നതും ചൈനയും പാകിസ്താനും ചേര്‍ന്ന് നടപ്പാക്കാന്‍ ശ്രമിക്കുന്ന ബെല്‍റ്റ് റോഡ് പദ്ധതിക്ക് ബദലാകുക എന്നതുമാണ് ഇതിന്റെ പ്രധാന ലക്ഷ്യങ്ങൾ. ജി 20 ഉച്ചകോടിക്കിടെ അമേരിക്ക, ഇന്ത്യ, സൗദി അറേബ്യ, യുഎഇ, ഫ്രാൻസ്, ജർമനി, ഇറ്റലി, യൂറോപ്യൻ യൂണിയൻ എന്നീ രാജ്യങ്ങളുടെ നേതാക്കൾ സംയുക്തമായാണ് പുതിയ സാമ്പത്തിക ഇടനാഴി പ്രഖ്യാപിച്ചത്.