"തീയേറ്ററുകളിൽ ഷോ ടൈം തീരുമാനിക്കുന്നത് അവരാണ്, അതിനുള്ള അവകാശവും അവർക്കുണ്ട് '; പരാതി ഉന്നയിച്ച സംവിധായകന് ജൂഡിന്‍റെ മറുപടി

കേരളത്തെ നടുക്കിയ 2018ലെ മഹാപ്രളയത്തെ ആധാരമാക്കി ജൂഡ് ആന്‍റണി ജോസഫ് ഒരുക്കുന്ന ചിത്രം ‘2018 എവരിവണ്‍ ഈസ് എ ഹീറോ’ (2018 Every One is A Hero) വന്‍ വിജയം നേടിക്കൊണ്ടിരിക്കുകയാണ്. ഇതിനിടയിൽ സിനിമയ്ക്കുവേണ്ടി തന്‍റേതുള്‍പ്പെടെയുള്ള ചിത്രങ്ങളുടെ പ്രദര്‍ശന സമയങ്ങള്‍ തിയറ്ററുകാര്‍ തോന്നിയതുപോലെ മാറ്റുന്നുവെന്ന് സംവിധായകന്‍ അനീഷ് ഉപാസന കഴിഞ്ഞ ദിവസം ആരോപിച്ചിരുന്നു. ചെറിയ ബഡ്ജറ്റിൽ നിർമിച്ച തന്റെ ചിത്രത്തിന് പ്രദർശന സമയം നഷ്‌ടപ്പെടുന്നു എന്ന് ചൂണ്ടിക്കാട്ടി സംവിധായകൻ അനീഷ് ഉപാസന ജൂഡ് ആന്തണി, ആന്റോ ജോസഫ്, വേണു കുന്നപ്പള്ളി എന്നിവർക്ക് തുറന്ന കത്തുമായി ഫേസ്ബുക്കിലെത്തുന്നു.