Idly Kadai: കാത്തിരിപ്പിന് വിരാമം വിന്റെജ് ധനുഷ് ഈസ് ബാക്ക്; ഇഡ്‌ലി കടൈ ഫസ്റ്റ് ലുക്ക്

തമിഴ് സൂപ്പർ താരം ധനുഷ് സംവിധാനം നിർവഹിക്കുന്ന പുതിയ ചിത്രമാണ് ഇഡ്‌ലി കടൈ. ധനുഷ് തന്നെയാണ് ചിത്രത്തിലെ കേന്ദ്ര കഥാപത്രത്തെ അവതരിപ്പിക്കുന്നത്. ഇപ്പോഴിതാ പിരീഡ് ഡ്രാമ ഴോണറിൽ ഒരുങ്ങുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവന്നിരിക്കുകയാണ്. വെള്ള മുണ്ടും ഷര്‍ട്ടും ധരിച്ച് ഇരു കയ്യിലും ചില സാധനങ്ങളുമായി നില്‍ക്കുന്ന ധനുഷാണ് പോസ്റ്ററിൽ കാണാൻ കഴിയുക. ധനുഷ് ചെറുപ്പം ലുക്കിലെത്തുന്ന മറ്റൊരു പോസ്റ്ററും പുറത്തുവന്നിട്ടുണ്ട്. ഇതുവരെ പുറത്തുവന്ന പോസ്റ്ററുകൾ പരിശോധിക്കുമ്പോൾ ഒരു ഗ്രാമീണ പശ്ചാത്തലത്തിലെ കഥ പറയുന്ന ചിത്രമാകും ഇഡ്‌ലി കടൈ എന്ന സൂചനയാണ് ലഭിക്കുന്നത്. 2025 ഏപ്രില്‍ 10 ന് ആഗോള റിലീസായി ചിത്രം തീയേറ്ററുകളിലെത്തും.