Dharmendra| എന്റെയച്ഛൻ മരിച്ചിട്ടില്ല, സുഖം പ്രാപിച്ചു വരുന്നു; ധർമേന്ദ്രയുടെ മരണവാർത്ത നിരാകരിച്ച്‌ മകൾ ഇഷ ഡിയോൾ

ഇഷയുടെ പ്രതികരണത്തിന് തൊട്ടുപിന്നാലെ ഭാര്യ ഹേമമാലിനിയും ഭർത്താവിന്റെ വ്യാജ മരണവാർത്ത പ്രചരിപ്പിച്ചതിനെതിരെ രൂക്ഷപ്രതികരണവുമായി എക്സ് പോസ്റ്റിൽ എത്തിച്ചേർന്നു. "ഈ സംഭവം പൊറുക്കാനാവാത്തതാണ്! ചികിത്സയോട് പ്രതികരിക്കുകയും സുഖം പ്രാപിക്കുകയും ചെയ്യുന്ന ഒരു വ്യക്തിയെക്കുറിച്ച് ഉത്തരവാദിത്തമുള്ള ചാനലുകൾക്ക് എങ്ങനെയാണ് തെറ്റായ വാർത്തകൾ പ്രചരിപ്പിക്കാൻ കഴിയുക? ഇത് അങ്ങേയറ്റം അനാദരവും നിരുത്തരവാദപരവുമാണ്. ദയവായി കുടുംബത്തിനും സ്വകാര്യതയ്ക്കുള്ള അവരുടെ ആവശ്യത്തിനും അർഹമായ ബഹുമാനം നൽകുക," ഹേമമാലിനി കുറിച്ചു.

ആരോഗ്യാവസ്ഥ മോശമായതിനെ തുടർന്ന് ധർമേന്ദ്രയെ കഴിഞ്ഞ ദിവസം മുംബൈ ബ്രീച്ച് കാൻഡി ആശുപത്രിയിൽ പ്രവേശിപ്പിച്ചു. ബോളിവുഡ് നടന്മാരായ ഷാരൂഖ് ഖാൻ, സൽമാൻ ഖാൻ എന്നിവർ അദ്ദേഹത്തെ നേരിട്ടെത്തി സന്ദർശിച്ചു. നടന്റെ സ്ഥിരീകരിക്കാത്ത മരണവാർത്ത സോഷ്യൽ മീഡിയയിലൂടെ പ്രചരിക്കുകയാണ്‌.

Summary: Esha Deol dismisses death report of actor Dharmendra. In an Instagram post she wrote: 'THE MEDIA SEEMS TO BE IN OVERDRIVE AND SPREADING FALSE NEWS. MY FATHER IS STABLE & RECOVERING. WE REQUEST EVERYONE TO GIVE OUR FAMILY PRIVACY. THANK YOU FOR THE PRAYERS FOR PAPAS SPEEDY RECOVERY. ESHA DEOL'