എസി ഹാളുകളിൽ രണ്ട് മണിക്കൂർ ഇരിക്കുന്നത് കോവിഡ് വ്യാപനം കൂട്ടും; തിയേറ്ററുകള്‍ തുറക്കാനാകില്ലെന്ന് സർക്കാർ

കോവിഡ് വ്യാപനത്തെത്തുടര്‍ന്ന് (Covid outbreak) തിയേറ്ററുകള്‍ അടയ്ക്കുന്നതിനെതിരെ ആരോഗ്യമന്ത്രിയ്ക്ക് (Health Minister) ഫെഫ്കയുടെ (FEFKA) കത്ത്. സി കാറ്റഗറിയിലുള്ള ജില്ലകളില്‍ തിയേറ്ററുകള്‍ മാത്രം അടച്ചുപൂട്ടുന്നതില്‍ പുനരാലോചന വേണമെന്നാണ് ആവശ്യം. മാളുകളും ബാറുകളും തുറന്നിടുബോള്‍ തിയേറ്ററുകള്‍ അടച്ചിടുന്നതിന്റെ യുക്തിയെന്തെന്നും ഫെഫ്ക ചോദിയ്ക്കുന്നു. തിയേറ്ററുകളില്‍ 50 ശതമാനം സീറ്റുകളില്‍ മാത്രമെ പ്രവേശനം അനുവദിച്ചിട്ടൊള്ളു. ഒരു ഡോസെങ്കിലും വാക്‌സിനെടുക്കണമെന്നതും നിര്‍ബന്ധമാണ്. ഈ സാഹചര്യത്തില്‍ തിയെറ്ററിലാണ് രോഗവ്യാപന സാധ്യത കുറവെന്നും ഫെഫ്ക ചൂണ്ടിക്കാണിയ്ക്കുന്നുണ്ട്. മുഖങ്ങൾ സ്ക്രീനിന്റെ ദിശയിലേക്ക് മാത്രം കേന്ദ്രീകരിക്കപ്പെട്ടിരിക്കുന്നു. ഭക്ഷണ പാനിയങ്ങൾ ഓഡിറ്റോറിയത്തിനുള്ളിൽ വിതരണം ചെയ്യപ്പെടുന്നില്ല. ഇതെല്ലാം തിയേറ്ററുകളെ റെസ്റ്ററന്റുകളിൽ നിന്നും, ബാറുകളിൽ നിന്നും, സ്പാ, സലൂണുകളിൽ നിന്നും സുരക്ഷിതമായ ഇടമാക്കി മാറ്റുന്നുണ്ടെന്നും കത്തിൽ വിവരിക്കുന്നു.

കൊച്ചി: എറണാകുളം (Ernakulam) ജില്ലയിൽ കോവിഡ് രോഗികളുടെ (covid patients) എണ്ണം വർദ്ധിക്കുന്നത് സമൂഹ വ്യാപനം മൂലമല്ലെന്ന് കളക്ടർ ജാഫർ മാലിക്ക്. അതുകൊണ്ട് കൂടുതൽ നിയന്ത്രണങ്ങൾ ഉണ്ടാവില്ല. ജില്ലയിൽ ആശങ്കപ്പെടേണ്ട സാഹചര്യം നിലവിലില്ല. രോഗികളുടെ എണ്ണം കൂടുന്നത് ടെസ്റ്റുകളുടെ എണ്ണം വർധിച്ചതു കൊണ്ടാണ്. എത്രയും പെട്ടന്നു പോസിറ്റീവ് കേസുകൾ കണ്ടെത്താനാണ് ശ്രമിക്കുന്നത്.