ബെൻസേ... എന്ന് വിളിച്ചാൽ ലാലേട്ടൻ മാത്രമല്ല, രാഘവ ലോറൻസും തിരിഞ്ഞു നോക്കും; ലോകേഷ് കനകരാജിന്റെ 'ബെൻസ്' തുടങ്ങി

സംവിധായകൻ ലോകേഷ് കനകരാജ് (Lokesh Kanagaraj) സൃഷ്‌ടിച്ച സിനിമാറ്റിക് യൂണിവേഴ്സ് എൽ.സി.യുവിലെ അടുത്ത ചിത്രം ബെൻസിന്റെ പൂജാ ചടങ്ങുകൾ കഴിഞ്ഞ ദിവസം ചെന്നൈയിൽ നടന്നു. സിനിമയുടെ ചിത്രീകരണവും ആരംഭിച്ചു. രാഘവ ലോറൻസ് പ്രധാന വേഷത്തിലെത്തുന്ന ചിത്രമാണിത്. റെമോ, സുൽത്താൻ തുടങ്ങിയ ചിത്രങ്ങളുടെ സംവിധായകൻ ഭാഗ്യരാജ് കണ്ണനാണ് ബെൻസിന്റെ തിരക്കഥ, സംഭാഷണം, സംവിധാനം എന്നിവ നിർവഹിക്കുന്നത്. അടുത്തിടെ പുറത്തിറങ്ങിയ 'തുടരും' എന്ന മലയാള ചിത്രത്തിൽ നായകനായ മോഹൻലാൽ കഥാപാത്രത്തിന്റെ വിളിപ്പേരും 'ബെൻസ്' എന്നായിരുന്നു എന്നത് തീർത്തും യാദൃശ്ചികം.