മലയാള ചലച്ചിത്ര സംവിധായകനും സീരിയൽ തിരക്കഥാകൃത്തുമായ ബിജു വട്ടപ്പാറ കുഴഞ്ഞു വീണ് മരിച്ചു

മലയാള ചലച്ചിത്ര സംവിധായകനും സീരിയൽ തിരക്കഥാകൃത്തുമായ ബിജു വട്ടപ്പാറ (Biju Vattappara) കുഴഞ്ഞു വീണ് മരിച്ചു. 54 വയസായിരുന്നു. മുവാറ്റുപുഴയിൽ വച്ചായിരുന്നു അന്ത്യം. ഇവിടെ ഒരു സ്വകാര്യ ആവശ്യത്തിനെത്തവേ കുഴഞ്ഞു വീഴുകയായിരുന്നു. ലോകനാഥൻ ഐഎഎസ്, രാമരാവണൻ, സ്വന്തം ഭാര്യ സിന്ദാബാദ്, മൈ ഡിയർ മമ്മി തുടങ്ങിയ ചിത്രങ്ങൾ സംവിധാനം ചെയ്തു. ഒരുകാലത്ത് ബിജുവിന്റെ നാല് സീരിയലുകൾ വരെ ചാനലുകളിൽ ഒരേ സമയം പ്രദർശനത്തിലുണ്ടായിരുന്നു.