കുറഞ്ഞു പോയോ ചേട്ടാ? കയ്യിൽ ‘പച്ചത്തെറി’ പച്ചകുത്തി; നാനി സിനിമയുടെ മലയാളം പതിപ്പിൻ്റെ വക ഇതാ

തെന്നിന്ത്യൻ താരം നാനിയെ നായകനാക്കി ശ്രീകാന്ത് ഒഡേല ഒരുക്കുന്ന ബിഗ് ബജറ്റ് ചിത്രമാണ് 'ദി പാരഡൈസ്. ചിത്രത്തിന്റെ ടീസർ കഴിഞ്ഞ ദിവസം അണിയറപ്രവർത്തകർ പുറത്തുവിട്ടിരുന്നു. തെലുങ്കിന് പുറമെ തമിഴ്, കന്നഡ, ഹിന്ദി, മലയാളം, ഇംഗ്ലിഷ്, സ്പാനിഷ്, ബംഗാളി ഭാഷകളിലായാണ് ടീസർ പുറത്തിറങ്ങിയത്. എന്നാൽ ഇപ്പോൾ ചിത്രത്തിന്റെ മലയാളം ടീസറിന്റെ ഒരു രംഗം സമൂഹ മാധ്യമങ്ങളിൽ ചർച്ചയാകുകയാണ്. ടീസറിലെ ഒരു രംഗത്തിൽ നാനിയുടെ പച്ചകുത്തിയ കൈ കാണിക്കുന്നുണ്ട്. കടുത്ത അസഭ്യമാണ് കയ്യിൽ പച്ചകുത്തിയിരിക്കുന്നത്. തെലുങ്ക് ഡയലോഗ് മലയാളത്തിലേക്ക് പരിഭാഷപ്പെടുത്തിയപ്പോൾ സംഭവിച്ച പിഴവാണിത്. ഇതോടെ വലിയ ട്രോളുകളും വിമർശനങ്ങളുമാണ് മലയാളം ടീസറിനു ലഭിക്കുന്നത്.