ഹനുമാന് ഒഴിച്ചിടുന്ന സീറ്റിനോട് ചേർന്നുള്ള സീറ്റുകൾക്ക് അധിക ചാർജ് ഈടാക്കില്ല; വ്യാജപ്രചരണം നടത്തരുതെന്ന് ആദിപുരുഷ് നിർമാതാക്കൾ

റിലീസിനു മുൻപു തന്നെ പല തവണ വിവാദത്തിലായ ബിഗ് ബജറ്റ് ചലച്ചിത്രം ആദിപുരുഷ് ദിവസങ്ങൾക്കകം തിയേറ്ററുകളിലെത്താൻ ഒരുങ്ങുകയാണ്. രാമായണ കഥ അടിസ്ഥാനമാക്കിയുള്ള സിനിമ ഈ വർഷത്തെ ഏറ്റവും വലിയ റിലീസുകളിൽ ഒന്നായിരിക്കുമെന്നാണ് പ്രതീക്ഷിക്കപ്പെടുന്നത്. ടീസർ പുറത്തിറങ്ങിയതോടെ മോശം വിഎഫ്എക്‌സിന്റെ പേരിൽ ചർച്ച ചെയ്യപ്പെട്ട സിനിമ, ഈയടുത്ത് വീണ്ടും വിവാദങ്ങളിൽ ഇടം നേടിയിരുന്നു. രാമായണത്തിലെ പ്രധാന സാന്നിധ്യമായ ഹനുമാനോടുള്ള ആദര സൂചകമായി ആദിപുരുഷ് പ്രദർശിപ്പിക്കുന്ന തിയേറ്ററുകളില്ലെലാം ഒരു സീറ്റ് ഒഴിച്ചിടും എന്ന പ്രഖ്യാപനത്തെ തുടർന്നായിരുന്നു ഇത്. ഒഴിച്ചിടുന്ന സീറ്റ് ഹനുമാനു വേണ്ടിയാണെന്നായിരുന്നു ആദിപുരുഷിന്റെ നിർമാതാക്കൾ സൂചിപ്പിച്ചിരുന്നത്.