അനുരാഗ് കശ്യപിനെതിരെ ലൈംഗികാരോപണവുമായി പ്രമുഖ നടി; വിശദമായ പരാതി ആവശ്യപ്പെട്ട് ദേശീയ വനിതാ കമ്മിഷൻ

Published by:Anuraj GR
news18-malayalam

Last Updated:Sep 20, 2020 7:33 AM IST

“അനുരാഗ് കശ്യപ് അയാളുടെ ഇംഗിതത്തിന് വഴങ്ങാൻ എന്നെ നിർബന്ധിക്കുകയും വളരെ മോശമായി പെരുമാറുകയും ചെയ്തു"

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ബോളിവുഡിലെ പ്രമുഖ നിർമ്മാതാവും സംവിധായകനുമായ അനുരാഗ് കശ്യപിനെതിരെ ലൈംഗികാരോപണവുമായി നടി പായൽ ഘോഷ്, പട്ടേൽ കി പഞ്ചാബി ഷാദി എന്ന ബോളിവുഡ് ചിത്രത്തിലൂടെ ശ്രദ്ധേയായാണ് പായൽ ഘോഷ്. അനുരാഗ് കശ്യപ് തന്നെ ലൈംഗികമായി ചൂഷണം ചെയ്യാൻ ശ്രമിച്ചുവെന്നാണ് നടിയുടെ ആരോപണം. പ്രധാനമന്ത്രി നരേന്ദ്ര മോദിയെ ടാഗ് ചെയ്തുകൊണ്ടാണ് പായൽ ഘോഷ് ആരോപണം ഉന്നയിച്ചത്. അതേസമയം ആരോപണത്തോട് അനുരാഗ് കശ്യപ് ഇതുവരെ പ്രതികരിച്ചിട്ടില്ല.

“അനുരാഗ് കശ്യപ് അയാളുടെ ഇംഗിതത്തിന് വഴങ്ങാൻ എന്നെ നിർബന്ധിക്കുകയും വളരെ മോശമായി പെരുമാറുകയും ചെയ്തു. പ്രധാനമന്ത്രി നരേന്ദ്ര മോദി, എന്‍റെ ജീവൻ അപകടത്തിലാണ്, ദയവായി സഹായിക്കുക”- നടി പായൽ ഘോഷ് ട്വിറ്ററിൽ എഴുതിയതാണിത്.

@anuragkashyap72 has forced himself on me and extremely badly. @PMOIndia @narendramodi ji, kindly take action and let the country see the demon behind this creative guy. I am aware that it can harm me and my security is at risk. Pls help! https://t.co/1q6BYsZpyx

— Payal Ghosh (@iampayalghosh) September 19, 2020

വിഷയം ശ്രദ്ധയിൽപ്പെട്ടതോടെ വിശദമായ പരാതി നൽകാൻ ആവശ്യപ്പെട്ടിരിക്കുകയാണ് ദേശീയ വനിതാ കമ്മീഷൻ അധ്യക്ഷ രേഖാ ശർമ്മ. “നിങ്ങൾക്ക് വിശദമായ പരാതി ചെയർപേഴ്സൺ- ncw@nic.in എന്ന ഇ-മെയിലിൽ അയയ്ക്കാം, ദേശീയ വനിതാ കമ്മീഷൻ ഇത് അടിയന്തരമായി പരിശോധിക്കും.”- രേഖാ ശർമ്മ ട്വീറ്റ് ചെയ്തു.

You may send me the detailed complaint at chairperson-ncw@nic.in and @NCWIndia will look into it. @iampayalghosh https://t.co/KZzPwkmuwZ

— Rekha Sharma (@sharmarekha) September 19, 2020

കുറച്ച് ദിവസമായി ട്വിറ്ററിൽ കശ്യപുമായി വാക്കുതർക്കത്തിൽ ഏർപ്പെട്ടിരിക്കുന്ന നടി കങ്കണ റണൗത്തും പായൽ ഘോഷിനെ പിന്തുണച്ച് ട്വീറ്റ് ചെയ്തു, “എല്ലാ ശബ്ദവും പ്രധാനമാണ്"- പായൽ ഘോഷിന്‍റെ ട്വീറ്റ് റീട്വീറ്റ് ചെയ്തുകൊണ്ട് കങ്കണ പറഞ്ഞു.

Every voice matters #MeToo #ArrestAnuragKashyap https://t.co/Pv1kGZIRr6

— Kangana Ranaut (@KanganaTeam) September 19, 2020

ഹോളിവുഡിലെ ചലച്ചിത്ര നിർമ്മാതാവ് ഹാർവി വെയ്ൻ‌സ്റ്റൈന്റെ കുറ്റകൃത്യങ്ങൾ പുറത്തുവന്നതിനുശേഷം, നിരവധി സ്ത്രീകൾ സമാനമായ ആരോപണവുമായി രംഗത്തെത്തിയിരുന്നു.

You may also like:എന്റെ സ്റ്റേറ്റ് കേരളമാണോ, എന്റെ സിഎം വിജയനാണോ? നസ്രിയയുടെ ക്യൂട്ട് വീഡിയോ വൈറൽ [NEWS]IPL 2020| ഫിറ്റ് ബോഡി , പുതിയ ഹെയർ സ്റ്റൈൽ, താടി; എംഎസ് ധോണിയുടെ ലുക്ക് ഏറ്റെടുത്ത് ആരാധകർ [NEWS] IPL 2020 | മുംബൈ ഇന്ത്യൻസിനെ വീഴ്ത്തി ചെന്നൈ സൂപ്പർ കിങ്സ് തുടങ്ങി- ആദ്യ കളി ചിത്രങ്ങളിലൂടെ [NEWS]

നടി തനുശ്രീ ദത്തയെ നടൻ നാനാ പടേക്കർ ലൈംഗികമായി ദുരുപയോഗം ചെയ്തുവെന്നാരോപിച്ചാണ് ബോളിവുഡിൽ ഇത് ആരംഭിച്ചത്. അതിനുശേഷം, ബോളിവുഡിലെ ശ്രദ്ധേയരായ അലോക് നാഥ്, സാജിദ് ഖാൻ, വികാസ് ബഹൽ എന്നിവർക്കെതിരെ ലൈംഗിക ആരോപണങ്ങൾ ഉയർന്നിരുന്നു.