Choked | റോഷൻ മാത്യു നായകനാകുന്ന അനുരാഗ് കശ്യപ് ചിത്രം; ട്രെയിലർ എത്തി

നെറ്റ്ഫ്ലിക്സുമായി ചേർന്ന് നേരത്തേയും അനുരാഗ് കശ്യപ് പ്രവർത്തിച്ചിട്ടുണ്ടെങ്കിലും അദ്ദേഹത്തിന്റെ ഫീച്ചർ ഫിലിം ആദ്യമായാണ് നെറ്റ്ഫ്ലിക്സിൽ എത്തുന്നത്. അദ്ദേഹത്തിന്റെ സേക്രഡ് ഗെയിംസ്, ലസ്റ്റ് സ്റ്റോറീസ്, ഗോസ്റ്റ് സ്റ്റോറീസ് എന്നിവയക്കെല്ലാം മികച്ച സ്വീകാര്യതയാണ് നെറ്റ്ഫ്ലിക്സിൽ ലഭിച്ചത്.

അനുരാഗ് കശ്യപ് ശൈലിയിൽ സസ്പെൻസ് ത്രില്ലറായാണ് ചോക്ക്ഡ് എത്തുന്നത് എന്ന് പ്രതീക്ഷിക്കാം. ആകാംക്ഷ നിലനിർത്തുന്നതാണ് ട്രെയിലർ. മധ്യവർഗ കുടുംബത്തിലെ സ്ത്രീയാണ് ചിത്രത്തിലെ പ്രധാന കഥാപാത്രം. സരിത എന്ന കഥാപാത്രത്തെയാണ് സയാമി ഖേർ അവതരിപ്പിക്കുന്നത്.

ലോക്ക്ഡൗണിനെ തുടർന്ന് തിയേറ്ററുകൾ അടച്ചതോടെ കൂടുതൽ സംവിധായകരും നിർമാതാക്കളും ഒടിടി റിലീസുമായി മുന്നോട്ടു പോകുകയാണ്. നേരത്തേ ശൂജിത്ത് സിർക്കാർ ചിത്രം 'ഗുലാബോ സിതാബോ' ആമസോൺ പ്രൈമിൽ റിലീസ് ചെയ്യുമെന്ന് പ്രഖ്യാപിച്ചിരുന്നു.

മലയാള ചിത്രം സൂഫിയും സുജാതയും, വിദ്യാബാലൻ നായികയായി എത്തുന്ന ശകുന്തളാ ദേവി, അനുരാഗ് കശ്യപ്, നവാസുദ്ധീന്‍ സിദ്ദിഖി ടീമിന്റെ ഗൂംകേതു, ലുഡോ, അക്ഷയ് കുമാറിന്റെ ലക്ഷ്മി ബോംബ് തുടങ്ങിയ ചിത്രങ്ങളെല്ലാം ഒടിടി റിലീസിന് ഒരുങ്ങുകയാണ്.