'നാട്ടു നാട്ടു' നൃത്തം ചെയ്ത് രാംചരണിനെ വരവേറ്റ് പ്രഭുദേവയും സംഘവും; ആർസി 15 സെറ്റിലെ വീഡിയോ വൈറൽ

2023-ലെ ഓസ്‌കാർ പുരസ്‌കാരം നേടിയ ആർആർആർ സിനിമയിലെ നാട്ടുനാട്ടു എന്ന ഗാനം ഇപ്പോഴും തരംഗമായി തുടരുകയാണ്. സമൂഹമാധ്യമങ്ങളിലുൾപ്പടെ നാട്ടു നാട്ടു ഗാനത്തിന് ചുവട് വെയ്ക്കുന്ന വീഡിയോകൾ ഇപ്പോഴും നിരവധിയാണ്. ഇപ്പോഴിതാ, ഓസ്ക്കാർ വിജയാഘോഷങ്ങൾക്കുശേഷം ആർആർആർ താരം രാം ചരൺ തന്റെ പുതിയ സിനിമയുടെ ലൊക്കേഷനിലെത്തിയിരിക്കുന്നു – ആർ‌സി 15 എന്ന പുതിയ സിനിമയുടെ സെറ്റിൽ തിരിച്ചെത്തിയ രാംചരണിനെ വിസ്മയിപ്പിച്ച് ഗംഭീര സ്വീകരണമാണ് നടനും നർത്തകനുമായ പ്രഭുദേവയുടെ നേതൃത്വത്തിൽ ഒരുക്കിയത്. പ്രഭുദേവയും നൂറോളം നർത്തകർ അടങ്ങുന്ന സംഘവും ചേർന്ന് നാട്ടു നാട്ടു ഗാനത്തിന് ചുവടുവെച്ചാണ് രാംചരണിനെ ലൊക്കേഷനിലേക്ക് വരവേറ്റത്.