പത്തു വർഷം മുൻപേ ഷൂട്ടിംഗ് കഴിഞ്ഞു; പ്രതാപ് പോത്തൻ വ്യത്യസ്ത ലുക്കിൽ അഭിനയിച്ച ചിത്രം റിലീസിനൊരുങ്ങുന്നു

ഈ വർഷത്തെ പൊങ്കൽ റിലീസായി തമിഴിലിറങ്ങിയ 'മദഗജരാജ' വളരെയധികം വാർത്താ പ്രാധാന്യം നേടിയ ചിത്രമായിരുന്നു. വിശാൽ നായകനായി സുന്ദർ സി. സംവിധാനം ചെയ്ത ചിത്രം പൊങ്കൽ ഹിറ്റായി മാറി. വളരെയധികം നിരൂപക പ്രശംസ ഏറ്റുവാങ്ങിയ ചിത്രം പൂർത്തിയായി ഏകദേശം പന്ത്രണ്ടു വർഷങ്ങൾക്കു ശേഷമാണ് റിലീസായത്. ചിത്രം തമിഴ് ആരാധകർ ആവേശത്തോടെയാണ് സ്വീകരിച്ചത്. മലയാളത്തിലും ഒരു ചിത്രം വളരെ ലേറ്റ് റിലീസായി ഉടൻ തന്നെ തിയേറ്ററുകളിൽ പ്രദർശനത്തിനെത്തുകയാണ്.