'എവിടെച്ചെന്നാലും ഇതാണ് അവസ്ഥ, എന്നെ സാര്‍ എന്നേ വിളിക്കൂ!'; തരംഗമായി പ്രേമലുവിലെ ആദി

നസ്ലൻ (Naslen), മമിതാ ബൈജു (Mamitha Baiju) എന്നിവർ പ്രധാന വേഷത്തിലെത്തി സൂപ്പര്‍ഹിറ്റിലേക്ക് കുതിക്കുന്ന ഭാവനാ സ്റ്റുഡിയോസിന്റെ ഗിരീഷ്‌ എ.ഡി. ചിത്രം 'പ്രേമലു' (Premalu) കണ്ടവരാരും അതിലെ 'ജെ.കെ' അടിക്കാരൻ ആദിയെ മറക്കാന്‍ ഇടയില്ല. മുന്‍പും പല ചിത്രങ്ങളിലും വെബ് സീരീസുകളിലും ശ്രദ്ധേയമായ വേഷങ്ങള്‍ ചെയ്തിട്ടുണ്ടെങ്കിലും ആദിയെ അവതരിപ്പിച്ച ശ്യാം മോഹന് വലിയൊരു ബ്രേക്ക് തന്നെയാണ് പ്രേമലു നല്‍കിയിരിക്കുന്നത്. ആലുവ യു.സി. കോളേജില്‍ വച്ച് പ്രേമലുവിലെ താരങ്ങള്‍ വിദ്യാര്‍ത്ഥികളെ കണ്ടുമുട്ടിയപ്പോള്‍ തമാശ രൂപേണ ശ്യാം പറഞ്ഞത് 'എവിടെച്ചെന്നാലും എന്നെ സാര്‍ എന്നേ വിളിക്കൂ, ചേട്ടാ എന്നു വിളിച്ചൂടേ' എന്നായിരുന്നു. ഒപ്പംതന്നെ 'ജെ.കെ' അഥവാ 'ജസ്റ്റ് കിഡ്ഡിങ്ങ്' എന്നു ചേര്‍ക്കാനും ശ്യാം മറന്നില്ല.