SSMB29: നായിക എത്തി; രാജമൗലി-മഹേഷ് ബാബു ചിത്രത്തിനായി പ്രിയങ്ക ചോപ്ര ഹൈദരാബാദിൽ

ഇന്ത്യൻ സിനിമാപ്രേമികൾ ആവേശത്തോടെ കാത്തിരിക്കുന്ന ചിത്രമാണ് എസ് എസ് രാജമൗലി-മഹേഷ് ബാബു കൂട്ടുകെട്ടിൽ ഒരുങ്ങുന്ന ‘എസ്എസ്എംബി 29 '. 'എസ്എസ്എംബി 29’ എന്ന് താല്‍ക്കാലികമായി പേരിട്ടിരിക്കുന്ന ചിത്രത്തിന്റെ അപ്ഡേറ്റുകൾക്കെല്ലാം തന്നെ വലിയ സ്വീകാര്യത ലഭിക്കുന്നുണ്ട്. ഇപ്പോഴിതാ ആരാധകർക്ക് ആവേശം പകർന്നുകൊണ്ട് മറ്റൊരു വാർത്ത പുറത്തുവന്നിരിക്കുകയാണ്. നായിക പ്രിയങ്ക ചോപ്ര സിനിമയുടെ ഭാഗമായി ഹൈദരാബാദിൽ എത്തിയിരിക്കുകയാണ്. പ്രിയങ്ക എയർപോർട്ടിൽ എത്തുന്നതിന്റെ ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുന്നുണ്ട്. ബ്രൗൺ നിറത്തിലുള്ള ഹൂഡി വസ്ത്രത്തിലാണ് നടിയെ കാണപ്പടുന്നത്. രാജമൗലിക്കും മഹേഷ് ബാബുവിനുമൊപ്പം ആദ്യമായാണ് ഒന്നിക്കുന്നത്.