'എന്തെങ്കിലും ഒന്നു പറയൂ, നിങ്ങളും ജാമിയയിൽ നിന്നല്ലേ'; ഷാരുഖ് ഖാനോട് റോഷൻ അബ്ബാസ്

Last Updated:

ഷാരുഖ് ഖാനും റോഷൻ അബ്ബാസും ജാമിയ മിലിയ സർവകലാശാലയിലെ പൂർവ വിദ്യാർഥികളാണ്. ഇരുവരും സർവകലാശാലയിലെ മാസ് കമ്യൂണിക്കേഷൻ വിദ്യാർഥികൾ ആയിരുന്നു.

മുംബൈ: പൗരത്വ ഭേദഗതി നിയമത്തിൽ ഡൽഹിയിലെ ജാമിയ മിലിയ സർവകലാശാലയിൽ വിദ്യാർഥികൾ നടത്തിയ പ്രതിഷേധത്തിനെതിരെ ഉണ്ടായ നടപടിയിൽ ബോളിവുഡ് താരം ഷാരുഖ് ഖാൻ മൗനം പാലിക്കുന്നതിന് എതിരെ റേഡിയോ ജോക്കിയും നടനുമായ റോഷൻ അബ്ബാസ്. ഇത്രയേറെ സംഭവങ്ങൾ ഉണ്ടായിട്ടും എന്തുകൊണ്ടാണ് മൗനമായിരിക്കുന്നതെന്ന് റോഷൻ അബ്ബാസ് ട്വിറ്ററിൽ ചോദിച്ചു.
'നിങ്ങളും ജാമിയയിൽ നിന്നല്ലേ ഷാരുഖ് ഖാൻ, എന്തെങ്കിലും ഒന്ന് പറയൂ. ആരാണ് നിങ്ങളെ നിശ്ശബ്ദനാക്കിയിരിക്കുന്നത് ? '#IStandWithJamiaMilliaStudents എന്ന ഹാഷ് ടാഗിനൊപ്പമാണ് റോഷൻ അബ്ബാസിന്‍റെ ചോദ്യം. ജാമിയ മിലിയ സർവകലാശാലയിൽ ഞായറാഴ്ച ഉണ്ടായ പ്രശ്നങ്ങളെ തുടർന്ന് ബോളിവുഡിലെ മിക്ക താരങ്ങളും പ്രതികരണവുമായി സോഷ്യൽ മീഡിയയിലൂടെ രംഗത്ത് വന്നിരുന്നു.
രാജ് കുമാർ റാവു, താപ്സി പന്നു, അലംകൃത ശ്രിവാസ്തവ, റിച്ച ഛന്ദ, അനുഭവ് സിൻഹ, അനുരാഗ് കശ്യപ്, പരിനീതി ചോപ്ര എന്നിവർ പൗരത്വ ഭേദഗതി നിയമത്തിൽ തങ്ങളുടെ അഭിപ്രായം സോഷ്യൽ മീഡിയ വഴി പങ്കു വെച്ചിരുന്നു.
advertisement
എന്നാൽ, ബോളിവുഡിലെ സൂപ്പർ താരങ്ങളായ ഷാരുഖ് ഖാൻ, സൽമാൻ ഖാൻ, ആമിർ ഖാൻ എന്നിവർ ഇതുവരെ ഇക്കാര്യത്തിൽ ഒരു അഭിപ്രായ പ്രകടനം നടത്തിയിട്ടില്ല. ജാമിയ വിഷയവുമായി ബന്ധപ്പെട്ട ഒരു ട്വീറ്റിൽ അക്ഷയ് കുമാർ ലൈക്ക് ചെയ്തിരുന്നു. എന്നാൽ, അറിയാതെ കൈ തട്ടി ലൈക്ക് ആയി പോയതാണെന്ന് ആയിരുന്നു അതിന് അദ്ദേഹത്തിന്‍റെ വിശദീകരണം.
ഷാരുഖ് ഖാനും റോഷൻ അബ്ബാസും ജാമിയ മിലിയ സർവകലാശാലയിലെ പൂർവ വിദ്യാർഥികളാണ്. ഇരുവരും സർവകലാശാലയിലെ മാസ് കമ്യൂണിക്കേഷൻ വിദ്യാർഥികൾ ആയിരുന്നു. ഡൽഹി, അസം, ഹൈദരാബാദ്, അലിഗഡ്, കൊൽക്കത്ത എന്നിവിടങ്ങളിൽ പൗരത്വ നിയമഭേദഗതി വിഷയത്തിൽ പ്രതിഷേധം തുടരുകയാണ്.
advertisement
പാകിസ്ഥാൻ, അഫ്ഗാനിസ്ഥാൻ, ബംഗ്ലാദേശ് എന്നിവിടങ്ങളിൽ നിന്നുള്ള ഹിന്ദു, സിഖ്, ബുദ്ദിസ്റ്റ്, പാഴ്സി, ക്രിസ്ത്യൻ വിഭാഗങ്ങൾക്ക് ഇന്ത്യൻ പൗരത്വം നൽകുന്നതാണ് പുതിയ പൗരത്വ നിയമഭേദഗതി.
മലയാളം വാർത്തകൾ/ വാർത്ത/Film/
'എന്തെങ്കിലും ഒന്നു പറയൂ, നിങ്ങളും ജാമിയയിൽ നിന്നല്ലേ'; ഷാരുഖ് ഖാനോട് റോഷൻ അബ്ബാസ്
Next Article
advertisement
അധ്യാപകരായി നാട്ടിൽ സെറ്റാകണോ? SET പരീക്ഷയ്ക്ക് ഇപ്പോൾ അപേക്ഷിക്കാം
അധ്യാപകരായി നാട്ടിൽ സെറ്റാകണോ? SET പരീക്ഷയ്ക്ക് ഇപ്പോൾ അപേക്ഷിക്കാം
  • SET പരീക്ഷയ്ക്ക് അപേക്ഷകൾ നവംബർ 28 വരെ എൽ ബി എസ് സെന്റർ വെബ്സൈറ്റിൽ ഓൺലൈനായി സമർപ്പിക്കാം.

  • 50% മാർക്ക് അല്ലെങ്കിൽ തത്തുല്യ ഗ്രേഡ്, ബി.എഡ്. യോഗ്യത, SC/ST/PWD വിഭാഗങ്ങൾക്ക് 5% മാർക്കിളവ്.

  • SET JULY 2025 പരീക്ഷയ്ക്ക് അപേക്ഷാ ഫീസ്: ജനറൽ/ഒ.ബി.സി. 1300 രൂപ, SC/ST/PWD 750 രൂപ.

View All
advertisement