'എന്നിലർപ്പിച്ച വിശ്വാസത്തിന് ദളപതിക്ക് നന്ദി'; 10 മാസം മുൻപെടുത്ത ഫോട്ടോ പങ്കുവെച്ച് വെങ്കട് പ്രഭു

‘‘എന്നിലർപ്പിച്ച വിശ്വാസത്തിൽ വിജയ്‌യോട് നന്ദി പറയുന്നു. അന്ന് വാക്ക് പറഞ്ഞ പോലെ സിനിമയുടെ ഔദ്യോഗിക പ്രഖ്യാപന സമയത്ത് ഈ ഫോട്ടോ റിലീസ് ചെയ്യുന്നു. പത്ത് മാസ മുന്‍പെടുത്ത ചിത്രമാണിത്. അതെ സ്വപ്നങ്ങള്‍ സത്യമാകും.’’–വെങ്കട് പ്രഭു കുറിച്ചു.

എജിഎസ് എന്റർടൈൻമെന്റ്സ് ആണ് ചിത്രം നിർമ്മിക്കുന്നത്. നിലവിൽ ലോകേഷ് കനരാജിന്റെ ലിയോയിലാണ് വിജയ് അഭിനയിച്ചു കൊണ്ടിരിക്കുന്നത്. ഇതിന് ശേഷം ദളപതി 68ൽ ജോയിൻ ചെയ്യുമെന്നാണ് വിവരം.

മാനാട്, മങ്കാത്ത, ചെന്നൈ 600028, മാസ് എന്നീ ചിത്രങ്ങള്‍ ഒരുക്കിയ സംവിധായകനാണ് വെങ്കട്ട് പ്രഭു. വെങ്കട്ടും വിജയ്‌യും ആദ്യമായി ഒന്നിക്കുന്ന ചിത്രം കൂടിയാണ് ദളപതി 68. യുവൻ ശങ്കർ രാജയാണ് സം​ഗീത സംവിധാനം നിർവഹിക്കുന്നത്. 2003 ൽ റിലീസ് ചെയ്ത പുതിയ ഗീതൈയ്‌ക്ക് ശേഷം വിജയ്‌–യുവൻ ശങ്കർ രാജ കൂട്ടുകെട്ടിലെത്തുന്ന രണ്ടാമത്തെ ചിത്രം കൂടിയാണിത്.  ചിമ്പുവിന്റെ മാനാട്, നാഗ ചൈതന്യ നായകനായെത്തിയ കസ്റ്റഡി എന്നിവയാണ് ഇതിനു മുമ്പ് റിലീസ് ചെയ്ത വെങ്കട് പ്രഭു ചിത്രങ്ങൾ.