UAE Visa | യുഎഇയിലേക്ക് മടങ്ങാനാഗ്രഹിക്കുന്ന പ്രവാസി ഇന്ത്യക്കാര്‍ക്ക് വിസാ കാലാവധി തടസമാകില്ല

മാര്‍ച്ച് ഒന്നിന് ശേഷം കാലാവധി കഴിഞ്ഞ എല്ലാ താമസ, സന്ദര്‍ശക വിസകളും  ഈ വര്‍ഷം അവസാനം വരെ പുതുക്കി നല്‍കിയിട്ടുണ്ട്. ഇക്കാര്യം യുഎഇ ഇന്ത്യൻ കോണ്‍സുല്‍ ജനറലിന്റെ ശ്രദ്ധയിൽപ്പെടുത്തി. ഇതിനു പിന്നാലെയാണ് യുഎഇയിലേക്ക് മടങ്ങുന്നതിന് വിസാ കാലാവധി ബാധകമല്ലെന്ന്  ഇന്ത്യ വ്യക്തമാക്കിയിരിക്കുന്നത്. ഇതു സംബന്ധിച്ച് എമിഗ്രേഷന്‍ വിഭാഗത്തിനും എല്ലാ വിമാന കമ്പനികള്‍ക്കും  കേന്ദ്ര സര്‍ക്കാര്‍ നിര്‍ദ്ദേശം നല്‍കിക്കഴിഞ്ഞു.

 കുടുംബവുമായി എത്തുന്നവര്‍ക്കും അടിയന്തര സാഹചര്യം ബോധ്യപെടുത്തുന്നവർക്കുമാണ് മുന്‍ഗണന. മ‌ങ്ങിയെത്തുന്നവർ സ്വന്തം ചെലവിൽ കോവിഡ് ടെസ്റ്റിനും വിധേയരാകണം. 14 ദിവസത്തെ ക്വറന്റീനും നിര്‍ബന്ധമാണ്. ഹോം ക്വാറന്റീനും അനുവദിക്കും. നിരീക്ഷണത്തില്‍ കഴിയുന്നവരുടെ വിവരങ്ങള്‍ അറിയാനായി അല്‍ഹോസന്‍ ആപ്പ് ഇൻസ്റ്റാൾ ചെയ്യണം.