'സുഖമാണോ?' ഒമാൻ മലയാളികളോട് പ്രധാനമന്ത്രി നരേന്ദ്രമോദിയുടെ ചോദ്യം മലയാളത്തിൽ

മസ്കത്ത്: ഒമാൻ സന്ദർശനത്തിനിടെ ഇന്ത്യൻ സമൂഹത്തെ അഭിസംബോധന ചെയ്യവേ പ്രധാനമന്ത്രി നരേന്ദ്ര മോദി മലയാളത്തിൽ സംസാരിച്ചത് പ്രവാസികൾക്കിടയിൽ വലിയ ആവേശമായി. മദീനത്തുൽ ഇർഫാൻ തിയറ്ററിൽ നടന്ന ചടങ്ങിൽ സദസ്സിൽ‌ ധാരാളം മലയാളികളുണ്ടെന്നു പറഞ്ഞ ശേഷമായിരുന്നു സുഖമാണോ എന്നു പ്രധാനമന്ത്രി ചോദിച്ചത്. മലയാളികൾക്ക് പുറമെ തമിഴ്, തെലുങ്ക്, കന്നട, ഗുജറാത്തി ഭാഷകൾ സംസാരിക്കുന്നവരും അവിടെയുണ്ടെന്ന് അദ്ദേഹം തന്റെ പ്രസംഗത്തിൽ പ്രത്യേകം പരാമർശിക്കുകയുണ്ടായി.