സർക്കാർ പരിപാടിയിൽ വിതരണം ചെയ്ത ബിരിയാണി കഴിച്ചു; അസമിൽ 145 പേർ ആശുപത്രിയിൽ

മുഖ്യമന്ത്രിക്ക് പുറമേ, ആരോഗ്യമന്ത്രി ഹിമാന്ത ബിശ്വ ശർമയും ചടങ്ങിൽ പങ്കെടുത്തിരുന്നു. ചൊവ്വാഴ്ച്ച ജില്ലയിലെ ദിപു മെഡിക്കൽ കോളേജിലാണ് പരിപാടി നടന്നത്. ബിരിയാണി കഴിച്ചതിന് ശേഷം ദേഹാസ്വാസ്ഥ്യമുണ്ടായതായി ആരോഗ്യമന്ത്രി പറയുന്നു. ഇപ്പോൾ ആരോഗ്യനില സാധാരണനിലയിലായതായും മന്ത്രി അറിയിച്ചു.

ചൊവ്വാഴ്ച്ച രാത്രി 145 ഓളം പേരെ ആശുപത്രിയിൽ അഡ്മിറ്റ് ചെയ്തതായും ഇതിൽ 28 പേർ ഡിസ്ചാർജ് ആയതായും ആരോഗ്യമന്ത്രി അറിയിച്ചു. 117 പേർ ഇപ്പോഴും ചികിത്സയിലാണ്. ബിരിയാണിയിൽ നിന്ന് ഭക്ഷ്യവിഷബാധയേറ്റതായാണ് അനുമാനം. സംഭവത്തിൽ സർക്കാർ അന്വേഷണം പ്രഖ്യാപിച്ചിട്ടുണ്ട്.

അതേസമയം, ചടങ്ങിൽ പങ്കെടുത്ത ഒരാളുടെ മരണവും റിപ്പോർട്ട് ചെയ്തിട്ടുണ്ട്. ഭക്ഷ്യ വിഷബാധയാണോ മരണകാരണമെന്ന് ഇതുവരെ വ്യക്തമല്ല. ചടങ്ങിൽ വിതരണം ചെയ്ത ഭക്ഷണത്തിന്റെ സാമ്പിൾ പരിശോധനയ്ക്ക് അയച്ചതായി ഡപ്യൂട്ടി കമ്മീഷണർ അറിയിച്ചു.

വയറുവേദനയും ശർദിലും അനുഭവപ്പെട്ടതിനെ തുടർന്നാണ് ആളുകളെ ആശുപത്രിയിൽ പ്രവേശിപ്പിച്ചത്.