‘മൈന്റ് യുവർ വേർഡ്സ്’; രക്ഷിതാക്കൾ കുട്ടികളെ ശകാരിക്കുമ്പോൾ ശ്രദ്ധിക്കേണ്ട കാര്യങ്ങൾ

നിങ്ങളുടെ കുട്ടി എപ്പോഴെങ്കിലും മറ്റാരെങ്കിലുമായി അപമര്യാദയായി പെരുമാറിയിട്ടുണ്ടോ? എങ്കിൽ, വളരെ സൗമ്യമായ രീതിയിൽ അവരുടെ തെറ്റു മനസിലാക്കി കൊടുക്കൽ അത്യാവശ്യമാണ്. പുതിയ പഠന പ്രകാരം, കുട്ടികളുമായി സംസാരിക്കുമ്പോൾ രക്ഷിതാക്കളുടെ സ്വരവും ഭാഷയും വളരെ പ്രധാനമാണ്. കുട്ടികളെ ശാന്തമായ രീതിയിൽ കാര്യങ്ങൾ മനസ്സിലാക്കിക്കൊടുക്കുക എന്നത് പല രക്ഷിക്കാളെയും സംബന്ധിച്ചിടത്തോളം അത്ര നിസ്സാരമായി കാര്യമല്ല. ഉദാഹരണത്തിന്, നിങ്ങളുടെ കുട്ടി ക്ലാസിലെ മറ്റൊരു കുട്ടിയുടെ പേന മോഷ്ടിച്ചു എന്നു സങ്കൽപ്പിക്കുക, അല്ലെങ്കിൽ അവന്റെ അനിയനെ അവ൯ അടിച്ചുവെന്ന് സങ്കൽപ്പിക്കൂ. ‘അവനെ അങ്ങനെ വിട്ടാൽ ശരിയാവില്ല’ എന്ന ചിന്തയായിരിക്കും നമ്മിൽ പലയായളുകളുടെയും മനസ്സിൽ ആദ്യം കടന്നു വരിക. ഇതിൽ പല രക്ഷിതാക്കളുടെ പ്രതികരണം പല വ്യത്യസ്ഥ രീതികളിലായിരിക്കും.