Unique Village|ഉപ്പ് ഒഴികെ മറ്റെല്ലാം സ്വന്തം മണ്ണിൽ തന്നെ ഉത്പാദിപ്പിക്കുന്നു; കാടിനെ അറിഞ്ഞ് കാടിന്റെ മക്കളുടെ ഗ്രാമം

Published by:Naseeba TC
news18-malayalam

Last Updated:Aug 10, 2020 3:43 PM IST

കാടും മനുഷ്യനും അന്യോന്യം സഹകരിച്ച് ജീവിക്കുന്ന കാഴ്ച്ചയാണ് ചിന്ദ്വാര ജില്ലയിലെ സത്പുരയിലെ പർവതനിരകൾക്ക് സമീപം സ്ഥിതിചെയ്യുന്ന ഗ്രാമത്തിൽ കാണുക.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ആത്മനിർഭർ, സ്വാശ്രയത്വം തുടങ്ങിയ പദങ്ങൾ നമ്മൾ കേട്ടുതുടങ്ങിയത് ഈ വർഷമാണ്. എന്നാൽ അതിനും എത്രയോ നാൾ മുമ്പ് തന്നെ സ്വാശ്രയത്വത്തിലൂന്നി ജീവിതം മുന്നോട്ടു ചലിപ്പിച്ച ജനങ്ങൾ ഇന്ത്യയിലുണ്ട്. ഇന്ത്യയിലെ പല ആദിവാസി ഗ്രാമങ്ങളും ചലിക്കുന്നത് സ്വാശ്രയത്വത്തിലൂന്നിയാണ്.

മധ്യപ്രദേശിലെ പഥാൽകോട്ട് ഗ്രാമത്തിലെ ജനങ്ങൾ വർഷങ്ങളായി തങ്ങൾക്കു വേണ്ടതെല്ലാം സ്വയം ഉത്പാദിപ്പിക്കുകയാണ്. ആത്മനിർഭർ സങ്കൽപ്പം വർഷങ്ങൾക്ക് മുമ്പ് തന്നെ പൂർണാർത്ഥത്തിൽ ആവിഷ്കരിച്ച ഇന്ത്യൻ ഗ്രാമങ്ങളിലൊന്ന്.

വനത്തിനോട് ചേർന്നുള്ള ഗ്രാമം ഇന്ത്യൻ ഭൂപടത്തിൽ ഇടംപിടിച്ചത് പോലും അടുത്ത കാലത്താണ്. മാതൃകാപരമായ ജീവിത രീതിയാണ് ഈ ഗ്രമത്തിലെ ജനങ്ങളുടേത്. ബരിയ ഗോത്ര വിഭാഗമാണ് ഈ ഗ്രാമത്തിലുള്ളത്. തങ്ങളുടെ ആവശ്യങ്ങൾക്കുള്ളതെല്ലാം ഇവർ സ്വന്തമായി ഉത്പാദിപ്പിക്കുകയാണ്.

You may also like:ഇഐഎ സമയപരിധി നാളെ അവസാനിക്കും; എതിർപ്പുമായി ഓൺലൈൻ ക്യാമ്പയിൻ ശക്തം [NEWS]അമിത് ഷാ കോവിഡ് നെഗറ്റീവായെന്ന് ബിജെപി എംപി മനോജ് തിവാരി; പുതിയ പരിശോധനയൊന്നും നടന്നില്ലെന്ന് ആഭ്യന്തര മന്ത്രാലയം [NEWS] Menstrual Leave | 'ആർത്തവ അവധി'യുമായി സൊമാറ്റോ; വനിതാ ജീവനക്കാർക്ക് ഒരു വർഷം പത്ത് അവധി [NEWS]

ഭക്ഷണം മുതലുള്ള എല്ലാ കാര്യങ്ങൾക്കും ഇവർ പുറംലോകത്തെ ആശ്രയിക്കുന്നില്ല. പൂർണമായും കാടിനെ ആശ്രയിച്ചാണ് ഇവരുടെ ജീവിതം. കാടിന്റെ മക്കൾക്ക് വേണ്ടതെല്ലാം കാട് തന്നെ നൽകുന്നു. ഉപ്പ് മാത്രമാണ് ഇവർ പുറത്തു നിന്നു വാങ്ങുന്ന ഏക ഉത്പന്നം.

കാടുമായി അടുത്തു ജീവിക്കുന്നതിനാൽ തന്നെ ഒരു മരം പോലും ഇവിടുത്തെ ജനങ്ങൾ വെട്ടിമാറ്റുന്നില്ല. മരുന്നുകൾക്കും പുറംലോകത്തെ ആശ്രയിക്കുന്നില്ല. രോഗശാന്തിക്കുള്ളതെല്ലാം കാട് ഇവർക്ക് നൽകുന്നു.

കാട്ടിൽ വീഴുന്ന മരങ്ങൾ ഉപയോഗിച്ചാണ് ഇവർ വീടുകൾ നിർമിക്കുന്നത്. കാടും മനുഷ്യനും അന്യോന്യം സഹകരിച്ച് ജീവിക്കുന്ന കാഴ്ച്ചയാണ് ചിന്ദ്വാര ജില്ലയിലെ സത്പുരയിലെ പർവതനിരകൾക്ക് സമീപം സ്ഥിതിചെയ്യുന്ന ഗ്രാമത്തിൽ കാണുക.