Agriculture Bill 2020| പാർലമെന്റ് വളപ്പിൽ രാത്രിയും സമരം തുടർന്ന് സസ്പെൻഡ് ചെയ്യപ്പെട്ട എംപിമാർ

കാര്‍ഷിക ബില്‍ അവതരിപ്പിക്കുന്നതിനെതിരെയാണ് രാജ്യസഭയില്‍ എംപിമാര്‍ ശക്തമായ പ്രതിഷേധമുയര്‍ത്തിയത്. രാജ്യസഭാ അധ്യക്ഷന്റെ ഡയസിലേക്ക് കടന്നുചെന്ന് മൈക്ക് തട്ടിയെടുത്തത് അടക്കമുള്ളവ ചൂണ്ടിക്കാട്ടിയാണ് ബഹളംവെച്ച എട്ടുപേരെ സസ്‌പെന്‍ഡ് ചെയ്തത്. സസ്‌പെന്‍ഷന് ശേഷവും എംപിമാര്‍ സഭ വിട്ടു പോകാത്തതിനെതിരെ കേന്ദ്രമന്ത്രി രവി ശങ്കര്‍ പ്രസാദ് അടക്കമുള്ളവര്‍ രംഗത്തെത്തിയിരുന്നു. ഇന്നുരാവിലെ രാജ്യസഭ ചേരുമ്പോൾ എംപമാരുടെ സസ്‌പെൻഷൻ പിൻവലിക്കണമെന്ന ആവശ്യം പ്രതിപക്ഷ പാർട്ടികൾ മുന്നോട്ടുവയ്ക്കും. ഇതിനോടുള്ള സർക്കാർ പ്രതികരണം അറിഞ്ഞശേഷം തുടർനടപടി തീരുമാനിക്കുമെന്നാണ് എംപിമാർ പറയുന്നത്.