'ഷാജഹാന്‍ മുംതാസിനെ പ്രണയിച്ചിരുന്നോ ? താജ് മഹൽ പൊളിച്ച് ക്ഷേത്രം പണിയണം'; ബിജെപി എംഎല്‍എ

താജ്മഹലും കുത്തബ് മിനാറും ഉടൻ പൊളിക്കണമെന്ന് ഞാൻ പ്രധാനമന്ത്രിയോട് അഭ്യർത്ഥിക്കുന്നു. ഈ രണ്ട് സ്മാരകങ്ങളുടെ സ്ഥാനത്ത് ലോകത്തിലെ ഏറ്റവും മനോഹരമായ ക്ഷേത്രങ്ങൾ നിർമ്മിക്കണം. ഈ രണ്ട് ക്ഷേത്രങ്ങളുടെയും വാസ്തുവിദ്യ, മറ്റ് സ്മാരകങ്ങൾക്ക് അടുത്ത് വരാത്ത തരത്തിലായിരിക്കണം,” എം‌എൽ‌എ രൂപജ്യോതി കുർമി പറഞ്ഞു.തന്റെ ഒന്നരവർഷത്തെ ശമ്പളമെങ്കിലും ക്ഷേത്രനിർമ്മാണത്തിനായി നൽകാൻ തയ്യാറാണെന്നും നിയമസഭാംഗം പറഞ്ഞു.

മുംതാസിന്റെ മരണശേഷം ഷാജഹാന്‍ വീണ്ടും മൂന്ന് വിവാഹം ചെയ്തിരുന്നു. മുംതാസിനോടത്ര സ്‌നേഹമുണ്ടായിരുന്നെങ്കില്‍ വീണ്ടുമെന്തിനാണ് വിവാഹം കഴിച്ചത്? ഹിന്ദു രാജകുടുംബത്തിന്റെ സമ്പത്തുപയോഗിച്ചാണ് താജ്മഹല്‍ നിര്‍മിച്ചതെന്നും രൂപ് ജ്യോതി കുറ്റപ്പെടുത്തി.

കഴിഞ്ഞ ദിവസം എന്‍സിആര്‍ടി സിലബസില്‍ നിന്ന് മുഗള്‍ ഭരണകാലത്തെ കുറിച്ചുള്ള പാഠ്യഭാഗങ്ങള്‍ ഒഴിവാക്കിയതിനെതിരെ വ്യാപക വിമര്‍ശനം ഉയര്‍ന്നിരുന്നു. ഇതിന് പിന്നാലെയാണ് ബിജെപി എംഎല്‍എയുടെ പ്രതികരണം.