ആശ്വാസം! രാജ്യത്ത് ആർക്കും എംപോക്സില്ല; സംസ്ഥാനങ്ങൾ ജാ​ഗ്രത കൈവിടരുതെന്ന് കേന്ദ്രം

എംപോക്സ് ലക്ഷണങ്ങളുള്ളവരെ സ്ക്രീനിം​ഗ് ചെയ്യുകയും സാമ്പിളുകൾ പരിശോധനയ്ക്ക് വിധേയമാക്കുകയും ചെയ്യുമെന്ന് ആ​രോ​ഗ്യമന്ത്രാലയം വ്യക്തമാക്കി. രോ​ഗബാധയുള്ളവർ എസൊലേഷന് വിധേയമാകണമെന്നും റിപ്പോർട്ടിലുണ്ട്. രോ​ഗവ്യാപനം തടയാൻ സമ്പർക്കപ്പട്ടിക തയ്യാറാക്കുന്നതിൽ വിട്ടുവീഴ്ച ചെയ്യരുതെന്നുമാണ് നിർദേശം.

കഴിഞ്ഞ ദിവസം എംപോക്സ് ലക്ഷണങ്ങളുമായി ആശുപത്രിയിൽ പ്രവേശിപ്പിച്ച യുവാവിന്റേത് ഉൾപ്പെടെയുള്ള ടെസ്റ്റുകളുടെ റിസൽട്ട് നെ​ഗറ്റീവാണെന്നും ആരോ​ഗ്യമന്ത്രാലയം അറിയിച്ചു.

കോം​ഗോ​യി​ൽ ആ​രം​ഭി​ച്ച എം​പോ​ക്സ് ബാ​ധ ബു​റു​ണ്ടി, കെ​നി​യ, റുവാ​ണ്ട, യു​ഗാ​ണ്ട രാ​ജ്യ​ങ്ങ​ളി​ലും പ​ട​രു​ക​യാ​ണ്. പു​തി​യ​യി​നം വൈ​റ​സ് മൂ​ല​മു​ള്ള രോ​ഗ​ത്തി​നു മ​ര​ണ​സാ​ധ്യ​ത കൂടു​ത​ലാ​യ​തി​നാ​ൽ ലോ​കാ​രോ​ഗ്യ സം​ഘ​ട​ന ആ​ഗോ​ള ആ​രോ​ഗ്യ അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചത്. രോ​ഗി​യു​മാ​യി അ​ടു​ത്തി​ട​പ​ഴ​കു​ന്ന​തി​ലൂ​ടെ​യാ​ണു രോ​ഗം പി​ടി​പെ​ടു​ന്ന​ത്. എ​ന്നാ​ൽ കോ​വി​ഡ് പോ​ലെ അ​തി​വേ​ഗം പ​ട​രു​ന്ന രോ​ഗ​മ​ല്ല. പ​നി​യു​ടേ​തു​പോ​ലു​ള്ള ല​ക്ഷ​ണ​ങ്ങ​ളും ച​ർ​മ​ത്തി​ൽ വ​സൂ​രി​യു​ടേ​തു​പോ​ലു​ള്ള ക​ല​ക​ളും രോ​ഗി​ക്കു​ണ്ടാ​കും. ബോധവത്കരണം, രോ​ഗി​യു​മാ​യി ബ​ന്ധ​പ്പെ​ട്ട​വ​രെ ക​ണ്ടെ​ത്തി നി​രീ​ക്ഷി​ക്ക​ൽ, വാ​ക്സി​നേ​ഷ​ൻ തുടങ്ങിയ മാ​ർ​ഗ​ങ്ങ​ളി​ലൂ​ടെ രോ​ഗം നി​യ​ന്ത്രി​ക്കാ​ൻ ക​ഴി​യും. എം​പോ​ക്സ് ബാ​ധി​ച്ച ഭൂ​രി​ഭാ​ഗം പേ​രി​ലും ല​ഘു​വാ​യ ആ​രോ​ഗ്യ പ്ര​ശ്ന​ങ്ങ​ളാ​ണു​ണ്ടാ​വു​ക. എ​ന്നാ​ൽ, ചി​ല​ർ​ക്കു മ​ര​ണ​കാ​ര​ണ​മാ​കാം.