ഹൃദയ ചികിത്സയ്ക്കായി മൗറീഷ്യസിൽ നിന്ന് ചെന്നൈയിലേക്കുള്ള യാത്രക്കിടെ 8 ദിവസം പ്രായമുള്ള കുഞ്ഞ് വിമാനത്തിൽ വച്ച് മരിച്ചു

ചെന്നൈ: ഹൃദയ ചികിത്സയ്ക്കായി മൗറീഷ്യസിൽ നിന്ന് ചെന്നൈയിലേക്കുള്ള യാത്രക്കിടെ 8 ദിവസം പ്രായമുള്ള കുഞ്ഞ് വിമാനത്തിൽ വച്ച് മരിച്ചു. മൗറീഷ്യസ് സ്വദേശികളായ മോനിഷ് കുമാറിന്റെയും പൂജയുടെയും മകളായ ലെഷ്ണയാണ് മരിച്ചത്. കഴിഞ്ഞ മെയ് 26 നാണു ലെക്ഷണ ജനിക്കുന്നത്. ജനിച്ച സമയത്ത് തന്നെ കുഞ്ഞിന് ഹൃദയത്തിന് സാരമായ പ്രശ്നം ഉണ്ടായിരുന്നതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു. കുഞ്ഞിനെ ചെന്നൈയിൽ എത്തിച്ചാൽ രക്ഷപ്പെടുത്താമെന്ന പ്രതീക്ഷയിലായിരുന്നു മാതാപിതാക്കൾ.