ബംഗാളിൽ വഖഫ് ബിൽ വിരുദ്ധ അക്രമത്തിൽ കൊല്ലപ്പെട്ടവരുടെ വീട് ഗവർണർ ആനന്ദബോസ് സന്ദർശിച്ചു

മുർഷിദാബാദ് ജില്ലയിൽ വഖഫ് നിയമ വിരുദ്ധ പ്രതിഷേധത്തിനിടെയുണ്ടായ അക്രമത്തിൽ കൊല്ലപ്പെട്ടവരുടെ വീട് ഗവർണർ ആനന്ദബോസ് സന്ദർശിച്ചു. കൊല്ലപ്പെട്ടവരുടെ കുടുംബത്തിന് ഗവർണർ എല്ലാ പിന്തുണയും വാഗ്ദാനം ചെയ്തതായി ഒരു മുതിർന്ന ഉദ്യോഗസ്ഥൻ അറിയിച്ചു. അക്രമത്തിൽ കൊല്ലപ്പെട്ട പിതാവിന്‍റെയും മകന്‍റെയും വീട്ടിലാണ് അദ്ദേഹമെത്തിയത്. ഹരോഗോബിന്ദോ ദാസ്, ചന്ദൻ ദാസ് എന്നീ രണ്ടുപേരുടെയും മൃതദേഹങ്ങൾ ഒന്നിലധികം കുത്തേറ്റ നിലയിൽ ഷംഷേർഗഞ്ചിലെ ജാഫ്രാബാദ് പ്രദേശത്തുള്ള വീട്ടിൽ നിന്നാണ് കണ്ടെത്തിയത്.