Pranab Mukherjee | 'കടന്നുപോയത് ഒരു കാലഘട്ടം'; പ്രണബ് മുഖർജിയെ അനുസ്മരിച്ച് രാഷ്ട്രപതി രാംനാഥ് കോവിന്ദ്

ന്യൂഡൽഹി: മുൻ രാഷ്ട്രപതി പ്രണബ് മുഖർജിയുടെ നിര്യാണത്തിൽ അനുശോചിച്ച് രാഷ്ട്രപതി രാംനാഥ് കോവിന്ദ്. പ്രണബ് മുഖർജിയുടെ നിര്യാണത്തോടെ ഒരു കാലഘട്ടമാണ് കടന്നുപോകുന്നതെന്ന് രാംനാഥ് കോവിന്ദ് പറഞ്ഞു. "മുൻ രാഷ്ട്രപതി ശ്രീ പ്രണബ് മുഖർജിയുടെ വിയോഗത്തോടെ ഒരു യുഗമാണ് അവസാനിച്ചത്. പൊതുജീവിതത്തിൽ ഏറെ ആദരവ് പിടിച്ചുപറ്റിയ പ്രണബ് മുഖർജി ഒരു ഋഷിവര്യനെപ്പോലെ ഭാരതാംബയെ സേവിച്ചു. ഏറ്റവും പ്രിയമുള്ള പുത്രനെ നഷ്ടപ്പെട്ടതിൽ രാജ്യം ദുഃഖിക്കുന്നു. പ്രണബ് മുഖർജിയുടെ നിര്യാണത്തിൽ അദ്ദേഹത്തിന്‍റെ കുടുംബാംഗങ്ങളോടും സുഹൃത്തുക്കളോടുമുള്ള എന്‍റെ ദുഃഖം രേഖപ്പെടുത്തുന്നു "- ട്വിറ്ററിൽ രാഷ്ട്രപതി രാംനാഥ് കോവിന്ദ് എഴുതിയ അനുശോചന സന്ദേശത്തിൽ പറഞ്ഞു.