1000 കിലോമീറ്റര്‍ പിന്നിടാന്‍ എട്ട് മണിക്കൂര്‍; രാജ്യത്തെ ആദ്യത്തെ സ്ലീപ്പര്‍ വന്ദേഭാരത് ട്രാക്കിലേക്ക്

നീണ്ട കാത്തിരിപ്പ് അവസാനിക്കുന്നു. വന്ദേഭാരത് എക്‌സ്പ്രസിന്റെ ആദ്യത്തെ സ്ലീപ്പര്‍ ട്രെയിന്‍ പുറത്തിറക്കാന്‍ ഇന്ത്യന്‍ റെയില്‍വെ തയ്യാറെടുപ്പുകള്‍ നടത്തി വരികയാണെന്ന് ഇന്ത്യടുഡെ റിപ്പോർട്ട് ചെയ്തു. പകല്‍ മാത്രം ഓടുന്ന ട്രെയിനല്ല, മറിച്ച് ബീഹാറിലെ പാറ്റ്‌നയെയും ന്യൂഡല്‍ഹിയെയും ബന്ധിപ്പിച്ചുകൊണ്ടുള്ള ഒരു രാത്രികാല യാത്രയാണ് തയ്യാറെടുക്കുന്നത്. 16 കോച്ചുകളുള്ള ഈ ട്രെയിന്‍ വെറും എട്ട് മണിക്കൂറിനുള്ളില്‍ ഏകദേശം 1000 കിലോമീറ്റര്‍ സഞ്ചരിക്കുമെന്ന് റിപ്പോര്‍ട്ടുകള്‍ പറയുന്നു. മണിക്കൂറില്‍ 160 കിലോമീറ്റര്‍ വേഗതയിലാണ് ട്രെയിന്‍ ഓടുക.