ഒരു ദിവസത്തെ ഏകാന്തധ്യാനം അവസാനിപ്പിച്ച് മോദി മടങ്ങി; അടുത്ത യാത്ര ബദരിനാഥിലേക്ക്

ബദരിനാഥിലേക്കാണ് പ്രധാനമന്ത്രിയുടെ അടുത്ത യാത്ര. അവിടെ ക്ഷേത്ര ദർശനത്തിന് ശേഷം രാത്രിയോടെ ഡൽഹിയിൽ തിരിച്ചെത്തും. രണ്ട് ദിവസത്തെ സന്ദർശനത്തിനായി കഴിഞ്ഞ ദിവസമാണ് പ്രധാനമന്ത്രി ഉത്തരാഖണ്ഡിലെത്തിയത്.

Also Read-കേദാര്‍നാഥിലെ ഗുഹയ്ക്കുള്ളില്‍ ഏകാന്ത ധ്യാനത്തില്‍ മോദി; നാളെ ബദരീനാഥിലേക്ക്

ഏകാന്തധ്യാനത്തിന് ശേഷം പുറത്തിറങ്ങിയ പ്രധാനമന്ത്രി എല്ലാ ജനങ്ങളോടും വോട്ട് ചെയ്യാനും അഭ്യർഥിച്ചു. ട്വിറ്റർ വഴിയായിരുന്നു വോട്ട് അഭ്യർഥന. വരുന്ന കാലങ്ങളിൽ ഇന്ത്യയുടെ വികസനമുന്നേറ്റത്തെ പാകപ്പെടുത്താൻ നിങ്ങളുടെ ഒരു വോട്ട് കൊണ്ട് സാധിക്കുമെന്നാണ് മോദി ട്വിറ്ററിൽ കുറിച്ചത്.

കേദാര്‍നാഥിൽ മാധ്യമ പ്രവർത്തകരോട് സംസാരിച്ച ശേഷമായിരുന്നു മോദിയുടെ മടക്കം. തെരഞ്ഞെടുപ്പ് വിജയകരമായി നടപ്പാക്കിയ തെരഞ്ഞെടുപ്പ് കമ്മീഷന് പ്രത്യേകം നന്ദിയും ഈ അവസരത്തിൽ മോദി രേഖപ്പെടുത്തി.