Pranab Mukherjee | 'ഞങ്ങൾക്ക് മാർഗദർശിയെ പോലെ'; രാഷ്ട്രീയ തൊട്ടുകൂടായ്മയിൽ വിശ്വസിക്കാതിരുന്ന നേതാവെന്ന് ആർഎസ്എസ്

ന്യൂഡൽഹി: മുൻ രാഷ്ട്രപതി പ്രണബ് മുഖർജിയുടെ നിര്യാണത്തിൽ ആർ‌എസ്‌എസ് മേധാവി മോഹൻ ഭഗവത് അനുശോചിച്ചു. സംഘത്തിന് വഴികാട്ടിയെപോലെയായിരുന്നു പ്രണബ് മുഖർജിയെന്ന് മോഹൻ ഭഗവത് പറഞ്ഞു. അദ്ദേഹം രാഷ്ട്രീയ തൊട്ടുകൂടായ്മയിൽ വിശ്വസിച്ചിരുന്നില്ല. ദേശീയ താത്പര്യം നിലനിർത്താൻ പ്രാപ്തിയുള്ള ഭരണാധികാരിയായിരുന്നു പ്രണബ് മുഖർജി. ആർ‌എസ്‌എസ് ജനറൽ സെക്രട്ടറി സുരേഷ് ഭയ്യജി ജോഷിയുമായി ചേർന്ന് പുറതതിറക്കിയ പ്രസ്താവനയിലാണ് ഭഗവത് പ്രണബ് മുഖർജിയെ അനുസ്മരിച്ചത്. മുഖർജി രാഷ്ട്രീയ തൊട്ടുകൂടായ്മ നടപ്പാക്കിയിട്ടില്ലെന്നും എല്ലാ പാർട്ടികളും അദ്ദേഹത്തെ ബഹുമാനിക്കുന്നുവെന്നും പ്രസ്താവനയിൽ പറയുന്നു.