നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • india
    • »
    • കേന്ദ്രസർക്കാരിന് വഴങ്ങി ട്വിറ്റർ; നിയമങ്ങൾ പാലിക്കാൻ ബാധ്യസ്ഥരാണ്; കൂടുതൽ സമയം തേടിയതായും ട്വിറ്റർ വക്താവ്

    കേന്ദ്രസർക്കാരിന് വഴങ്ങി ട്വിറ്റർ; നിയമങ്ങൾ പാലിക്കാൻ ബാധ്യസ്ഥരാണ്; കൂടുതൽ സമയം തേടിയതായും ട്വിറ്റർ വക്താവ്

    സർക്കാരുമായി ക്രിയാത്മക സംഭാഷണം തുടരുമെന്നും ട്വിറ്റർ

    Twitter

    Twitter

    • Share this:
    ന്യൂഡൽഹി:  ഇന്ത്യയോട്  പ്രതിജ്ഞാബദ്ധമാണെന്നും ഇനിയും അത് തുടരുമെന്നും ട്വിറ്റർ. പുതിയ ഐ.ടി. മാർ‌ഗ്ഗനിർ‌ദ്ദേശങ്ങൾ‌ പാലിക്കുന്നതിന്‌ എല്ലാ ശ്രമങ്ങളും നടത്തുന്നതായും ട്വിറ്റർ അറിയിച്ചു. ഇത് സംബന്ധിച്ച് കേന്ദ്രസർക്കാരിന് ഉറപ്പുനൽകിയ ട്വിറ്റർ,  പുതിയ ഡിജിറ്റൽ നിയമ പ്രകാരം  ഉദ്യോഗസ്ഥരെ നിയമിക്കുന്നത് അടക്കമുളള നടപടികൾക്ക്  രണ്ടാഴ്ചത്തെ സാവകാശവും തേടിയിട്ടുണ്ട്.  കോവിഡ് പ്രതിസന്ധിയുടെ സാഹചര്യത്തിൽ സാങ്കേതിക നടപടികൾക്ക് സാവകാശം അനുവദിക്കണമെന്നതടക്കമുള്ള കാര്യങ്ങൾ കേന്ദ്രസർക്കാര്യമായി ചർച്ച ചെയ്തെന്ന് ട്വിറ്റർ വക്താവ് ആണ് അറിയിച്ചത്.  സർക്കാരുമായി ക്രിയാത്മക സംഭാഷണം തുടരുമെന്നും ട്വിറ്റർ വ്യക്തമാക്കി.

    Also Read-Explained| ഫെയ്‌സ്ബുക്ക്, ട്വിറ്റർ, വാട്സ്ആപ്പ് തുടങ്ങി സമൂഹ മാധ്യമങ്ങൾ ഇനി മുതൽ പാലിക്കേണ്ട ചട്ടങ്ങൾ എന്തൊക്കെ?

    സാമൂഹിക മാധ്യമങ്ങൾക്കായുളള പുതിയ ഡിജിറ്റൽ നിയമങ്ങൾ പാലിച്ചില്ലെങ്കിൽ  അനന്തരഫലങ്ങൾ നേരിടാൻ തയ്യാറാകണമെന്ന് കേന്ദ്രം ട്വിറ്ററിന് അന്ത്യശാസനം നൽകിയിരുന്നു. വീഴ്ച വരുത്തിയാൽ ഐടി നിയമം,  ഇന്ത്യയിലെ മറ്റു ശിക്ഷാനിയമങ്ങൾ എന്നിവ പ്രകാരമുളള അനന്തരനടപടികൾ നേരിടേണ്ടി വരുമെന്നും മുന്നറിയിപ്പിൽ കേന്ദ്രം വ്യക്തമാക്കിയിരുന്നു.ഡിജിറ്റൽ നിയമങ്ങൾ പ്രകാരം  ഉദ്യോഗസ്ഥരെ നിയമിക്കണമെന്ന് കേന്ദ്രസർക്കാർ നേരത്തെ അറിയിച്ചിരുന്നു. എന്നാൽ ട്വിറ്റർ ഇതുവരെ ഉദ്യാഗസ്ഥനെ നിയമിച്ചിട്ടില്ല.നിയമങ്ങൾ പാലിക്കാനുള്ള അവസാന അവസരം എന്ന നിലയിലാണ് കേന്ദ്രസർക്കാർ ട്വിറ്ററിന് അറിയിപ്പ് നൽകിയത്.

    പുതിയ ഐ.ടി നിയമപ്രകാരം സമൂഹ മാധ്യമ മേഖലയിലെ ഓരോ കമ്പനിയും ഇന്ത്യ ആസ്ഥാനമാക്കി പ്രവര്‍ത്തിക്കുന്ന ഒരു പരാതി പരിഹാര ഉദ്യോഗസ്ഥന്‍, കംപ്ലയിന്‍സ് ഓഫീസര്‍, നോഡല്‍ ഓഫീസര്‍ എന്നിവരെ നിയമിക്കണം. ഇതുവഴി സാധാരണക്കാരായ ഉപയോക്താക്കള്‍ക്ക് അവരുടെ പരാതികള്‍ പരിഹരിക്കാന്‍ സാധിക്കും. അപകീർത്തികരമെന്ന്​ കാണുന്ന ഏതുതരം സന്ദേശങ്ങളും പോസ്​റ്റുകളും 36 മണിക്കൂറിനകം നീക്കണമെന്നും പുതിയ ഐ.ടി നിയമത്തിൽ വ്യവസ്​ഥയുണ്ട്.

    Also Read-Twitter Verification| പുതിയ വെരിഫിക്കേഷൻ സംവിധാനവുമായി ട്വിറ്റർ; നീല ടിക്ക് മാർക്കിനായി എങ്ങനെ അപേക്ഷിക്കാം?

    നിബന്ധനകൾക്കു വഴങ്ങാൻ കഴിഞ്ഞ ഫെബ്രുവരി 25ന്​ മൂന്നു മാസത്തെ ഇളവ്​ എല്ലാ സമൂഹ മാധ്യമങ്ങൾക്കും സർക്കാർ നൽകിയിരുന്നു. എന്നാൽ ട്വിറ്ററിന്റെ ഭാഗത്ത് നിന്ന് ഒരു പ്രതികരണവും ഉണ്ടായിരുന്നില്ല. ഇതേ തുടർന്ന് കേന്ദ്ര സർക്കാർ നിലപാട് കടുപ്പിക്കുകയായിരുന്നു.
    Published by:Asha Sulfiker
    First published:
    )}