News18 Mega UCC Poll| മുസ്ലീം പുരുഷന്മാർക്ക് നാല് ഭാര്യമാർ വേണ്ടെന്ന് 76 ശതമാനം സ്ത്രീകൾ

25 സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലുമായാണ് ന്യൂസ് 18 സർവേ നടത്തിയത്. സർവേയിൽ പങ്കെടുത്ത ഭൂരിഭാഗം മുസ്ലീം സ്ത്രീകളും മുസ്ലീം വിഭാഗത്തിൽ പുരുഷന്മാർക്ക് നാല് വിവാഹം ആകാമെന്ന അവകാശത്തെ എതിർത്തു. 25 സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലുമായി സർവേയിൽ പങ്കെടുത്ത 8,035 മുസ്ലീം സ്ത്രീകളിൽ 6,146 പേർ ഇതേ അഭിപ്രായക്കാരായിരുന്നു.

ഏകീകൃത സിവിൽ കോഡിനെ കുറിച്ച് പരാമർശിക്കാതെ ന്യൂസ് 18 ന്റെ 884 റിപ്പോർട്ടർമാർ രാജ്യത്തെ 25 സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലുമായി 8,035 മുസ്ലീം സ്ത്രീകളെ യുസിസിയിൽ ഉൾപ്പെടുത്താൻ സാധ്യതയുള്ള വിഷയങ്ങളിൽ അഭിമുഖം നടത്തി. 18-65 വയസ്സിനു മുകളിൽ പ്രായമുള്ള മുസ്ലീം സ്ത്രീകളാണ് സർവേയിൽ പങ്കെടുത്തത്.

Also Read- News18 Mega UCC Poll| 67 ശതമാനം മുസ്ലീം സ്ത്രീകൾ വിവാഹം, വിവാഹമോചനം എന്നിവയ്ക്കുള്ള പൊതുനിയമത്തെ പിന്തുണയ്ക്കുന്നു

18 നും 44 ഇടയിൽ പ്രായമുള്ള വിദ്യാ സമ്പന്നരായ സ്ത്രീകളാണ് ഇതിനെ ശക്തമായി എതിർത്ത്. പാടില്ലെന്ന് അഭിപ്രായപ്പെട്ടവരിൽ 79 ശതമാനം (2,385) പേർ ബിരുദത്തിന് മുകളിൽ വിദ്യാഭ്യാസമുള്ളവരാണ്.

സർവേയിൽ പങ്കെടുത്ത സ്ത്രീകളിൽ 19 ശതമാനം പേർ 18-20 പ്രായ വിഭാഗത്തിലും 33 ശതമാനം പേർ 25 നും 34 നും ഇടയിൽ പ്രായമുള്ളവരുമാണ്. 35 നും 44 നും ഇടയിൽ പ്രായമുള്ള 27 ശതമാനം പേരും 45 നും 54 നും ഇടയിൽ പ്രായമുള്ള 14 ശതമാനം പേരും സർവേയിൽ പങ്കെടുത്തു. 5 ശതമാനം സ്ത്രീകൾ 55-64 പ്രായവിഭാഗത്തിലുള്ളവാണ്. 65 വയസ്സിന് മുകളിൽ പ്രായമുള്ള 2 ശതമാനം സ്ത്രീകളും സർവേയുടെ ഭാഗമായി.

പങ്കെടുത്തവരിൽ 70 ശതമാനവും വിവാഹിരായിരുന്നു. 24 ശതമാനം അവിവാഹിതരും 3 ശതമാനം വിധവകളും 3 ശതമാനം വിവാഹമോചനം നേടിയവരുമാണ് എല്ലാവരും. സർവേയിൽ പങ്കെടുത്തവരിൽ 73% സുന്നികളും 13% ഷിയകളും 14% മറ്റ് വിഭാഗങ്ങളിലുള്ളവരുമാണ്.