Agriculture Bill 2020| എംപിമാരുടെ സസ്പെൻഷൻ: ഒറ്റക്കെട്ടായി പ്രതിപക്ഷം; രാജ്യസഭാ നടപടികൾ ബഹിഷ്കരിച്ചു

കാർഷിക ബില്ലുകൾ പാസ്സാക്കുന്നതിനിടെയുള്ള 'മോശം' പെരുമാറ്റത്തിന് തിങ്കളാഴ്ചയാണ് എട്ട് എംപിമാരെ സസ്പെൻഡ് ചെയ്തത്. തൃണമൂൽ കോൺഗ്രസ് എംപി ഡെറെക് ഒബ്രെയിൻ, ആം ആദ്മി പാർട്ടി എംപി സഞ്ജയ് സിങ്, കോൺഗ്രസ് എംപി രാജീവ് സതവ്, സിപിഎം എംപി കെ കെ രാഗേഷ് എന്നിവർ സഭ വിട്ടുപോകാൻ വിസമ്മതിച്ചിരുന്നു. തുടർന്ന് എളമരം കരീമും രാഗേഷും അടക്കം സസ്പെൻഡ് ചെയ്യപ്പെട്ട എംപിമാർ രാത്രിയിലുടനീളം പാർലമെന്റ് വളപ്പിലെ ഗാന്ധി പ്രതിമയ്ക്ക് മുന്നിൽ പ്രതിഷേധം തുടർന്നു. രാഷ്ട്രപതി രാംനാഥ് കോവിന്ദിനും പ്രതിപക്ഷ കക്ഷികൾ നിവേദനം സമർപ്പിച്ചിട്ടുണ്ട്.