'സാഹോദര്യവും സഹാനുഭൂതിയും ഉയരട്ടെ': നബിദിന സന്ദേശത്തിൽ പ്രത്യാശ പങ്കുവച്ച് പ്രധാനമന്ത്രി നരേന്ദ്രമോദി

Published by:Asha Sulfiker
news18-malayalam

Last Updated:Oct 30, 2020 2:44 PM IST

'ഈദ് മിലാദ് ഉൻ നബിയുടെ ഈ വേളയിൽ ദയയുടെയും സാഹോദര്യത്തിന്‍റെയും ചൈതന്യം എല്ലാവരെയും നയിക്കട്ടെ എന്നാണ് കോൺഗ്രസ് നേതാവ് രാഹുൽ ഗാന്ധി ആശംസകൾ അറിയിച്ചു കൊണ്ട് കുറിച്ചത്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

പ്രവാചകൻ മുഹമ്മദ് നബിയുടെ ജന്മദിനത്തിൽ ഏവർക്കും ആശംസകൾ അറിയിച്ച് പ്രധാനമന്ത്രി നരേന്ദ്ര മോദി. ഈ ദിനത്തിൽ എല്ലായിടത്തും സാഹോദര്യവും അനുകമ്പയും വർധിക്കട്ടെയെന്ന പ്രത്യാശ പങ്കുവച്ചുകൊണ്ടാണ് പ്രധാനമന്ത്രി മിലാദ്-ഉൻ-നബി ആശംസകൾ നേർന്നിരിക്കുന്നത്.'എല്ലാവർക്കും മിലാദ്-ഉൻ-നബി ആശംസകൾ. ഈ ദിനം എല്ലായിടത്തും സാഹോദര്യവും അനുകമ്പയും വർധിക്കട്ടെയെന്ന് പ്രത്യാശിക്കുന്നു.. എല്ലാവരും സന്തോഷത്തോടെയും ആരോഗ്യത്തോടെയും ഇരിക്കുക. ഈദ് മുബാറക്ക്'. മോദി ട്വീറ്റിൽ കുറിച്ചു.

Best wishes on Milad-un-Nabi. Hope this day furthers compassion and brotherhood all across. May everybody be healthy and happy. Eid Mubarak!

— Narendra Modi (@narendramodi) October 30, 2020

രാഷ്ട്രപതി രാംനാഥ് കോവിന്ദ്, കോൺഗ്രസ് നേതാവ് രാഹുൽ ഗാന്ധി എന്നിവരും നബിദിന ആശംസകൾ പങ്കുവച്ചിട്ടുണ്ട്. സാമൂഹിക ക്ഷേമത്തിനായി പ്രവാചകന്‍റെ വാക്കുകളും പ്രവൃത്തിയും പിന്തുടരുക എന്നാണ് നബിദിന സന്ദേശത്തിൽ രാഷ്ട്രപതി കുറിച്ചത്. 'പ്രവാചകനായ മുഹമ്മദിന്‍റെ ജന്മദിനമായ മിലാദ് ഉൻ നബിയുടെ ഈ ദിനത്തിൽ എല്ലാ പൗരന്മാർക്കും പ്രത്യേകിച്ച് ഇന്ത്യയിലെയും വിദേശങ്ങളിലെയും മുസ്ലീം സഹോദരി-സഹോദരന്മാർക്ക് ആശംസകള്‍ നേരുന്നു. സാമൂഹിക ക്ഷേമത്തിനും സമൂഹത്തിന്‍റെ സമാധാനത്തിനും ഐക്യത്തിനും ആയി അദ്ദേഹം പഠിപ്പിച്ച കാര്യങ്ങളും അദ്ദേഹത്തിന്‍റെ പ്രവർത്തികളും പിന്തുടരാം' രാഷ്ട്രപതി ട്വീറ്റ് ചെയ്തു.

On the occasion of Milad-un-Nabi, the birthday of Prophet Muhammad (PBUH), good wishes to all fellow citizens, especially to our Muslim brothers and sisters in India and abroad. Let us follow his teachings and work for the well-being of society and peace & harmony in the country.

— President of India (@rashtrapatibhvn) October 30, 2020

On the occasion of #EidMiladUnNabi, may the spirit of kindness and brotherhood guide one and all.
Heartiest wishes.

ईद-ए-मिलाद-उन-नबी की दिल से मुबारकबाद!

— Rahul Gandhi (@RahulGandhi) October 30, 2020

'ഈദ് മിലാദ് ഉൻ നബിയുടെ ഈ വേളയിൽ ദയയുടെയും സാഹോദര്യത്തിന്‍റെയും ചൈതന്യം എല്ലാവരെയും നയിക്കട്ടെ എന്നാണ് കോൺഗ്രസ് നേതാവ് രാഹുൽ ഗാന്ധി ആശംസകൾ അറിയിച്ചു കൊണ്ട് കുറിച്ചത്.