മണിപ്പൂർ കലാപവും മയക്കുമരുന്നും തമ്മിലുള്ള ബന്ധമെന്ത്? ഇക്കാര്യത്തിൽ സർക്കാരിന്റെ നിലപാടെന്ത്?

മയക്ക് മരുന്നിനെതിരായ മണിപ്പൂരിന്റെ പോരാട്ടം കേന്ദ്ര സർക്കാരിന്റെ പ്രത്യേക പ്രശംസ പിടിച്ചു പറ്റിയിരുന്നു. പോപ്പി (കറുപ്പ് ) കൃഷി നശിപ്പിക്കുന്നതിൽ കാണിച്ച ജാഗ്രത വലിയ പ്രശംസ നേടിയിരുന്നു. 2022-23ൽ 4,305.1 ഏക്കർ അനധികൃത പോപ്പി കൃഷി നശിപ്പിച്ചതായി സംസ്ഥാനത്തെ പോലീസ് രേഖകൾ സൂചിപ്പിക്കുന്നു. ഈ വർഷം ജനുവരി മുതൽ മാർച്ച് വരെ 787.3 ഏക്കർ പോപ്പി കൃഷി നശിപ്പിച്ചു. നാർക്കോട്ടിക് കൺട്രോൾ ബ്യൂറോയുടെ കണക്കനുസരിച്ച് മയക്കുമരുന്നിനെതിരെ ദേശീയതലത്തിൽ നടക്കുന്ന പോരാട്ടത്തിലെ വിജയഗാഥകളിലൊന്നാണ് മണിപ്പൂർ. മണിപ്പൂർ, അസം, ഉത്തർപ്രദേശ്, തെലങ്കാന എന്നീ സംസ്ഥാനങ്ങളാണ് മയക്കുമരുന്നിനെതിരെയുള്ള പോരാട്ടത്തിന് മുന്നിലുള്ളത്. പോപ്പി കൃഷി നശിപ്പിക്കുന്നതിൽ മണിപ്പൂർ ഒരുപാട് കാര്യങ്ങൾ ചെയ്തിട്ടുണ്ട് എന്ന് ഒരു എൻസിബി ഓഫീസർ ന്യൂസ് 18-നോട് പറഞ്ഞു.